Abrir o menú principal

Rosa Parks

activista antirracista norteamericana

Rosa Louise McCauley Parks, coñecida como Rosa Parks e tamén como Rosa Lee Parks [1], nada o 4 de febreiro de 1913 en Tuskegee, no condado de Macon (Alabama), e finada o 24 de outubro de 2005 en Detroit, foi unha muller estadounidense de raza negra, costureira de oficio, que ó negarse a ceder o seu asento nun autobús o 1 de decembro de 1955 deu pé ó comezo da protesta contra a segregación racial (apartheid) nos Estados Unidos de América.

Rosa Parks
Rosaparks.jpg
Nacemento4 de febreiro de 1913
 Tuskegee
Falecemento24 de outubro de 2005
 Detroit
CausaInfarto agudo de miocardio
SoterradaWoodlawn Cemetery
NacionalidadeEstados Unidos de América
EtniaAfroamericano
RelixiónIgrexa metodista unida
Alma máterAlabama State University
Ocupaciónautobiógrafa e activista
PremiosNational Women’s Hall of Fame, Michigan Women's Hall of Fame, Alabama Women's Hall of Fame, Candace Award, Medalla de Ouro do Congreso dos Estados Unidos de América, Medalla Presidencial da Liberdade, Medalha Spingarn, Golden Plate Award, International Freedom Conductor Award, Women's Caucus for Art Lifetime Achievement Award e NAACP Image Award for Outstanding Supporting Actress in a Drama Series
Rosa Parks Signature.svg
editar datos en Wikidata ]

Índice

TraxectoriaEditar

No 1950, Parks uniuse ao movemento dos dereitos civís, para o cal traballou como secretaria, rama da Asociación Nacional para o Avance do Pobo de Cor (National Association for the Advancement of Colored People), NAACP, en Montgomery (Alabama). O 1 de decembro de 1955, alí, en Montgomery, Parks negouse a obedecer ao chofer dun autobús público, o cal quería obrigala a ceder o seu asento a unha persoa de raza branca. Foi encarcerada pola súa conduta, acusada de perturbar a orde.

En resposta ao encarceramento de Rosa, Martin Luther King, un pastor bautista daquela relativamente descoñecido, conduciu a protesta aos autobuses públicos de Montgomery, nos que colaborou tamén a activista e amiga da infancia de Rosa Parks Johnnie Carr, o que fixo necesario que a autoridade do transporte público terminase a práctica de segregación racial nos autobuses. Este suceso iniciou unha vaga de protestas contra a segregacion.

Mentres, no 1956, o caso de Parks chegou finalmente á Corte Suprema dos Estados Unidos (a cúspide do poder xudicial estadounidense) que declarou que a segregación no transporte estaba en contra da constitución estadounidense. Parks converteuse nun símbolo do movemento de dereitos civís. Mudouse a Detroit (Michigan) a principios da década de 1960, onde conseguiu emprego do representante afroamericano John Conyers (demócrata por Michigan) desde 1965 até 1988.

NotasEditar

Véxase taménEditar

BibliografíaEditar

  • Barnes, Catherine A. Journey from Jim Crow: The Desegregation of Southern Transit, Columbia University Press, 1983. (en inglés)
  • Rosa Parks with James Haskins, Rosa Parks: My Story New York: Scholastic Inc., 1992. ISBN 0-590-46538-4 (en inglés)

Ligazóns externasEditar