Abrir o menú principal
Lyndon B. Johnson asinando a Acta de Dereitos Civís dos Estados Unidos o 2 de xullo de 1964.

Os dereitos civís e políticos, ou dereitos civís, son os dereitos que protexen as liberdades individuais do seu quebrantamento ilegal (represión) por parte do poder (sexa o dos gobernos ou o de calquera outro axente político público ou privado). Garanten a capacidade do cidadán para participar na vida civil e política do Estado en condicións de igualdade, e sen discriminación por raza, xénero, nacionalidade, cor, idade, afiliación política, etnia, relixión, orientación sexual, identidade de xénero ou discapacidade;[1][2][3] e inclúe dereitos individuais como a privacidade e as liberdades de pensamento, expresión, relixiosa, prensa, reunión e circulación.

Os dereitos políticos inclúen a xustiza natural no dereito, como os dereitos do acusado a un xuízo xusto, e dereitos de participación na sociedade civil e na política como a liberdade de asociación, o dereito de reunión, o dereito de petición, a lexítima defensa e o dereito ao voto.

Os dereitos civís e políticos forman a parte orixinal e principal dos dereitos humanos internacionais.[4] Comprende a primeira parte da Declaración Universal dos Dereitos Humanos de 1948. A teoría das Tres xeracións de dereitos humanos considera este grupo de dereitos como "dereitos de primeira xeración", e a teoría dos dereitos positivos e negativos considéraos polo xeral como dereitos negativos.

NotasEditar

  1. The Civil Rights act of 1964, ourdocuments.gov
  2. Americans with Disabilities Act of 1990, accessboard.gov
  3. Summary of LGBT civil rights protections, by state, at Lambda Legal, lambdalegal.org
  4. A useful survey is Paul Sieghart, The Lawful Rights of Mankind: An Introduction to the International Legal Code of Human Rights, Oxford University Press, 1985.

 
 Este artigo sobre dereito é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.