Rory Gallagher
Rory Gallagher (2 de marzo de 1948, Ballyshannon, Irlanda-14 de xuño de 1995, Londres, Inglaterra) foi un músico, compositor e produtor irlandés de blues rock, rhythm and blues e rock, coñecido mundialmente por ser fundador da banda Taste e pola súa exitosa carreira en solitario.
| Rory Gallagher | |
|---|---|
 | |
| Nacemento | 2 de marzo de 1948 |
| Lugar de nacemento | Ballyshannon |
| Falecemento | 14 de xuño de 1995 |
| Lugar de falecemento | Londres |
| Causa | doenza infecciosa |
| Nacionalidade | Irlanda |
| Ocupación | cantante, compositor de cancións, guitarrista, mandolinist, produtor musical e compositor |
| Na rede | |
| http://www.rorygallagher.com/ | |
           | |
| [ editar datos en Wikidata ] | |
Debutou como guitarrista profesional aos 15 anos de idade no sexteto Fontana, pero ao pouco tempo retirouse para crear o power trio Taste en 1966. Tras lanzar os discos Taste e On the Boards, disolveu a banda por problemas entre os seus membros e iniciou a súa carreira en solitario en 1971 co disco Rory Gallagher. Durante os anos setenta alcanzou a fama en Europa grazas ás producións Deuce, Blueprint e Tattoo, cargados ao blues rock, pero cos álbums Against the Grain e Calling Card introduciuse en novos e distintos estilos musicais como o jazz, rock e hard rock.
Durante a década do oitenta publicou só tres álbums de estudio, debido aos serios problemas de saúde que derivaron dun excesivo consumo de alcol. Ademais, e a finais do decenio, desenvolveu unha severa aerofobia, contra a cal se lle recetou un forte sedante, cuxa combinación co consumo de alcol danaron de tal forma o seu fígado que tivo que ser sometido a un transplante. Con todo e tras infectarse con estafilococos (SAMR), tras varias semanas de coidados intensivos faleceu en Londres aos 47 anos de idade.
Cos anos foi considerado un dos músicos irlandeses máis influentes da historia e un dos guitarristas de blues rock máis exitosos. Ademais, até o 2013 estimouse que vendera máis de 30 millóns de discos en todo o mundo.[1]
Discografía editar
Con Taste editar
- 1969: Taste
- 1970: On The Boards
- 1971: Live Taste
- 1972: Live at the Isle of Wight
- 1974: In the Beginning, an early Taste of Rory Gallagher
Carreira en solitario editar
Álbums de estudio editar
- 1971: Rory Gallagher
- 1971: Deuce
- 1972: Live in Europe
- 1973: Blueprint
- 1973: Tattoo
- 1974: Irish Tour '74
- 1975: Against the Grain
- 1976: Calling Card
- 1978: Photo-Finish
- 1979: Top Priority
- 1980: Stage Struck
- 1982: Jinx
- 1987: Defender
- 1990: Fresh Evidence
Álbums póstumos editar
- 1999 - BBC Sessions
- 2003 - Wheels Within Wheels
- 2011 - Notes from San Francisco
Recompilatorios editar
- 1974 - The Story Xo Far
- 1975 - In The Beginning
- 1976 - Take It Easy Baby
- 1995 - A Blue Day For The Blues
- 1998 - Etched In Blue
- 2005 - Big Guns: The Very Best Of Rory Gallagher
- 2008 - The Essential Rory Gallagher
Vídeos editar
- 2000 - Irish Tour 1974
- 2004 - Live At Rockpalast
- 2005 - The Complete Rockpalast Collection
- 2006 - Live at Cork Opera House
- 2006 - Live In Montreux
Notas editar
- ↑ "Riding Shotgun - Prologue: Can't believe it's True". Arquivado dende o orixinal o 27 de xaneiro de 2010. Consultado o 27 de outubro de 2018.