Roland Garros

Este artigo trata sobre o aviador, para o artigo sobre o aberto de tenis véxase Torneo de Roland Garros.

Roland Garros, nado en Saint-Denis, Reunión, o 6 de outubro de 1888 e finado en Ardenas o 5 de outubro de 1918, foi un piloto francés, pioneiro da aviación.

Roland Garros

Biografía
Nacemento	(fr) Eugène Adrien Roland Chacon Georges Garros 6 de outubro de 1888 Saint-Denis, Francia
Morte	5 de outubro de 1918 (29 anos) Vouziers, Francia
Causa da morte	morte en combate, morto en combate
Lugar de sepultura	Vouziers
Educación	HEC Paris Collège Stanislas (París) Lycée Janson-de-Sailly (pt)
Actividade
Ocupación	aviador, xogador de rugby, militar
Membro de	Académie de l'île de La Réunion (1913–1918) HEC Alumni (pt)
Carreira militar
Rama militar	Forças Armadas Francesas (pt)
Conflito	Primeira guerra mundial
Nacionalidade deportiva	Escocia
Deporte	tenis
Modalidade Partido de tenis Récord persoal
Premios
Oficial da Lexión de Honra  mort pour la France (en)  Grande médaille de l'Aéro-Club de France (en)

Traxectoria

O 23 de setembro de 1913 logrou efectuar a primeira travesía a través do mar Mediterráneo a bordo dun Morane-Saulnier. Tardou 5 horas e 53 minutos, malia que o motor sufriu unha avaría en Córsega. Quedábanlle 5 litros de gasolina cando aterrou en Bizerte. Durante a primeira guerra mundial foi piloto militar aéreo, conseguindo cinco vitorias.

Creou un sistema para disparar as metralladoras a través da hélice do avión, aínda que non implicaba sincronismo: simplemente as pas da hélice recubríanse cunha placa metálica que as blindaba. Derribado polos alemáns, foi apresado sen poder destruír o seu avión. O seu sistema foi axiña estudado e mellorado por Anthony Fokker, que decidiu sincronizar o disparo das metralladoras co paso das pas da hélice.

Morte e recoñecementos

Estatua en Barachois.

Logrou fuxir, volvendo ó seu lugar na fronte. Pero nun combate aéreo o 5 de outubro de 1918 foi derribado nas Ardenas, preto de Vouziers. Membro do Stade Français e xogador afeccionado de tenis, tivo a honra póstumo de dar nome ó estadio parisiense e ó torneo de tenis que se celebra cada ano en París.

Véxase tamén