Abrir o menú principal

Departamento de Reunión

departamento francés

Coordenadas: 21°06′52″S 55°31′57″L / -21.11444, -55.53250

Région d'Outre-Mer da Réunion
Rexión de Ultramar de Reunión
Bandeira de Departamento de Reunión
Escudo de Departamento de Reunión
BandeiraEscudo
Reunion on the globe (Madagascar centered).svg
Lema: Non ten
Capital
 Poboación
Saint-Denis
Cidade máis poboadaSt.Paul, St.Denis, St.Pierre
Linguas oficiaisFrancés
Forma de gobernoDepartamento de ultramar
Nicolas Sarkozy Didier Robert Nassimah Dindar
DepartamentoDe Francia Desde
 • Total2.512 km²
PoboaciónPosto xº
 • Total850.996 (2016)[1] hab.
 • Densidade340 hab./km²
PIB (nominal)
 • Totaln/d
 • per cápitan/d
 • Totaln/d
 • per cápitan/d
MoedaEuro
IDHn/d
Xentilicion/d
 • Horario de veránNon aplica
Dominio de Internet.re
Prefixo telefónico++262
Prefixo radiofóniconon ten
Código ISOn/d

Reunión (en francés La Réunion) é un departamento francés no Océano Índico, localizado ao leste de Madagascar. A illa principal é unha das dúas maiores illas Mascareñas, sendo o seu veciño máis próximo a outra: Mauricio. Reunión ten, ademais, varias dependencias, espalladas en torno de Madagascar, no Índico e na Canle de Mozambique. A súa capital é Saint-Denis.

Ten estatuto de rexión administrativa, así como Martinica, Guadalupe e Güiana.

HistoriaEditar

Xunto á Illa Mauricio (ex-colonia francesa antes chamada Île de France) conforma o arquipélago das Illas Mascareñas. Os navegantes árabes chamárona Dina Morgabin (Illa occidental). Cando chegaron os portugueses en 1513 atopárona deshabitada e chamárona Santa Apolonia.

En 1638 foi ocupada por Francia. En 1642, por decreto do rei Luís XIII a illa pasa a chamarse Île Bourbon. Durante a Revolución francesa recibiu o seu nome actual.

Desde os séculos XVII a XIX, a inmigración francesa completouse con aquelas provenientes de África, China, Malaisia e India, dándolle á poboación o carácter diverso que hoxe ten. A apertura da Canle de Suez en 1869, restou importancia estratéxica á illa como base de aprovisionamento na ruta marítima a Asia.

A Reunión converteuse en Departamento de Ultramar o 19 de marzo de 1946.

PolíticaEditar

Administrativamente, a illa está dividida en catro arrondissements (distritos), 24 comunas e 47 cantóns. O seu capital, San Denis, está situada no extremo norte da illa. É un departamento de ultramar e tamén unha rexión de Francia. Constitúe unha rexión ultraperiférica da Unión Europea.

DependenciasEditar

As seguintes illas e arquipélagos son dependentes de Reunión:

XeografíaEditar

A illa ten 63 quilómetros de leste a oeste e 45 de norte a sur, cunha superficie total de 2150 km². A xeoloxía da illa é similar á de Hawaii, polo seu carácter volcánico. O Piton da Fournaise é un volcán activo na parte oriental da illa, alcanza os 2611 metros de altura, e tivo erupcións máis dun centenar de veces desde 1640. A máis recente sucedeu o 9 de xaneiro de 2004. O Piton des Neiges é outro volcán que é o punto máis alto da illa ao alcanzar os 3070 metros de altura, e está ao oeste do anterior. Está extinguido.

A illa ten tres circos: Cilaos, Mafate e Salazie: que resultan do afundimento do volcán Piton des Neiges.

As ladeiras de ambos os volcáns están cubertas de bosque tropical.

EconomíaEditar

O azucre de cana é o principal cultivo e produto exportado.

A Reunión depende da importación de comida e de enerxía. Ademais, o desemprego representa un serio problema. O seu Produto Interior Bruto por habitante é considerablemente inferior ao de Francia metropolitana. Por iso benefíciase dos fondos estruturais que outorga a Unión Europea ás zonas económicas menos favorecidas.

DemografíaEditar

A poboación está composta nun 50% de descendentes africanos e malgaches, un 25% de orixe asiática, sobre todo támiles, sendo o resto mestizos e europeos. A poboación e a agricultura concéntranse nas zonas costeiras. Conta con case 800 000 habitantes.

Na literatura contemporáneaEditar

En 2014 a Editorial Galaxia publicou a novela A Diagonal dos Tolos, de Santiago Lopo, cuxa trama acontece integramente na illa de Reunión. No libro relátase o pasado escravista da illa utilizando o percorrido do ultramaratón coñecido como “La Diagonale des Fous”. A obra gañou o Premio Narrativa Breve Repsol en 2014. [2]

 
Mapa da Illa de Reunión.
 
Vista de satélite.
  1. INSEE. "Estimation de population par région, sexe et grande classe d'âge - Années 1975 à 2016" (en francés). Consultado o 2017-07-09. 
  2. https://www.sermosgaliza.gal/articulo/cultura/santiago-lopo-gana-repsol-diagonal-tolos/20140926213904030933.html "Santiago Lopo gaña o Repsol con “A diagonal dos tolos”, Sermos Galiza, 26/9/2014.