Reus
Coordenadas: 41°9′20″N 1°6′30″L / 41.15556, -1.10833
Reus é unha cidade e un concello catalán pertencente á provincia de Tarragona. Ocupa unha área de 52,82 km², e no ano 2022 tiña 106.741 habitantes[1]. É a capital da comarca do Baix Camp.
| Reus | |||
|---|---|---|---|
| |||
 | |||
| Praza Mercadal coa Casa do Concello ao fondo | |||
| Localización | |||
  Reus  Reus | |||
| País |  España | ||
| Comunidade autónoma |  Cataluña | ||
| Provincia | Tarragona | ||
| Comarca | Baix Camp | ||
| Xeografía | |||
| Altitude | 117 msnm | ||
| Superficie | 52,82 km² | ||
| Demografía | |||
| Poboación | 106.741 hab. (2022) | ||
| Densidade | 2.020,8 hab./km² | ||
| Xentilicio | Reusenc/a | ||
| Outros datos | |||
| Código postal | 43200 - 43206 | ||
| Alcalde | Carles Pellicer Punyed (Junts per Reus) | ||
| Páxina oficial | |||
.svg)
Dous antigos municipios forman parte do actual termo municipal de Reus: El Burgar e Mascalbó. No arrabalde da cidade atópase o Aeroporto de Reus, que é ao tempo o da capital provincial, Tarragona.
HidrografíaEditar
Os cursos de auga son regos (barrancs, riera, en catalán), dos que os principais son o Ruben Barranco del carrer Rocamora, os da Abeurada, Cinc Ponts, Roquís, Boella, Escòrial e Pedret e as Rieras de la Quadra, da Selva, de Maspujols e o de Pi del Burgar.
A cidadeEditar
O centro urbano é a Praza Prim. O núcleo antigo está entre os barrios de Robuster, de Sant Pere, de Jesús, de Martí Folguera, do Pallol e de Santa Anna, zona coñecida como Tomb de Ravals. Un núcleo máis moderno está delimitado polo perímetro de Riera Miró, avenida Sant Jordi, rúa Dr. Robert, Passeig Mata, Passeig Sunyer, Plaça de les Oques, Passeig Prim, Plaça Pastoreta, avenida La Salle, avenida Pere el Cerimoniós e Riera Aragó. Para alén destes límites a cidade está en expansión.
Centros educativosEditar
Ademais de centros de estudos dos diversos niveis de primaria e secundaria, a cidade conta cunha facultade de Ciencia Económicas e Empresariais, e outra de Medicina e Ciencias da Saúde, que dependen da Universidade Rovira i Virgili.
FestasEditar
As festas maiores de Reus son as de san Pedro, o 29 de xuño. O 25 de setembro celébrase a festa da Misericordia. Evento característico da festa maior é a tronada. Outras festas a destacar son o Entroido (Carnestoltes) e a Festa de l'anada na estrada para Salou. Moitos dos barrios teñen a súa propia festa.
ComercioEditar
Reus é un grande centro comercial. As rúas máis comerciais son as de LLovera, Monterols, Sant Joan, Galanes, Jesús e do Vent.
Arredor do día de Sant Jaume (Santiago) hai feira, antes gandeira, mais hoxe en día de carácter variado. A Feira de Mostras celébrase no Pavillón de Feiras, construído case especificamente ad hoc hai uns trinta anos, en terreos da antiga estación de ferrocarril.
O mercado semanal ten lugar os luns e sábados no edificio do Mercado Central. A lonxa de contratación de froitos secos que se celebraba na Praza de Prim foi clausurada en 2004.
Edificios singularesEditar
- Pazo Bofarull (Palau Bofarull), sede da Escola e Conservatorio de Música, que ten auditorio.
- Pazo dos Marqueses de Tamarit (actual Centro de Lectura).
- Casa Navàs, na praza Mercadal).
- Casa Cochs.
- Cal Boule (Raval Santa Anna)
- Casa Rull (antigo Museu Prim-Rull e arquivo municipal)
- Casa Gassull (Carrer de Sant Joan)
- Casa Serra (na estrada de Castellvell)
- Campanar (Praza de Sant Pere)
- Castell del Cambrer (Praza do Castell)
- Banco de España (Raval Santa Anna), hoxe Museo Salvador Vila-seca.
- Casa do Concello
- Entre as diversas casas da época do Modernismo catalán (Modernisme), destacan os pavillóns do Instituto Pere Mata construídos entre 1899 e 1919.
MonumentosEditar
Fican aínda algunhas fontes, como a da praza do Sang (de 1779), a de Neptuno na praza do Víctor (de 1789), a de Hércules na praza homónima (de 1857). Fontes ornamentais son as do Nen de les Oques (Plaça de les Oques) e a de Triptolemo (Plaça Joan Rebull).
Contan tamén con fonte as estatuas da Pastoreta (praza Pastoreta) e a de Marià Fortuny (Plaça de la Llibertat). Outras estatuas salientables, sen fonte, son a de Joan Prim (praza Prim) e máis a do Condesito (praza de Marià Fortuny).
Ha tamén algúns monumentos modernos (á Muller Traballadora, á Industria Téxtil etc.) de cariz simbólico.
Véxase taménEditar
Wikimedia Commons ten máis contidos multimedia na categoría: Reus  |
Ligazóns externasEditar
- Páxina oficial (en catalán)
- ↑ "Idescat. El municipi en xifres". www.idescat.cat. Consultado o 2023-02-08.