Universidade Rovira i Virgili

A Universidade Rovira i Virgili (en catalán e oficialmente: Universitat Rovira i Virgili), coñecida co acrónimo URV, é unha institución pública de ensino superior de Cataluña con centros en Tarragona, Reus, Vila-seca, Tortosa e El Vendrell, que ten como obxectivos prioritarios a docencia e a investigación.

Universidade Rovira i Virgili
Nome curto	URV
Tipo	universidade pública, editor de acceso aberto e universidade
Epónimo	Antoni Rovira i Virgili
Orzamento	110.680.000 €
Sede	Tarragona
Localización
41°07′11″N 1°15′38″L
Estado	España
Comunidade autónoma	Cataluña
Provincia	Provincia de Tarragona
Datas
Fundación	1991
Persoas e organizacións
Reitor/a	Josep Pallarès Marzal (en)
Número de membros	1.145 e 703
Número estudiantes	11.621, 11.141 e 17.186
Membro de
Membro de (maio de 2022)  Conferencia de Rectores de las Universidades Españolas  Unión de Editoriais Universitarias Españolas  Coalición para o Avance da Avaliación da Investigación  Associació Catalana d'Universitats Públiques (pt)  Asociación de Universidades Europeas  Rede Vives de Universidades  Aurora (en)
Contacto
Páxina WEB	urv.cat
Redes
[ Wikidata ]

Edificio do Reitorado.

Foi recoñecida como Campus de Excelencia Internacional Cataluña Sur (CEICS) polo Ministerio de Educación. Isto supón a consolidación da agregación estratéxica das diversas entidades e estruturas de docencia, investigación, transferencia de coñecemento e o sector produtivo do sur de Cataluña co obxectivo de converterse nun referente internacional nos ámbitos da Química e a Enerxía, a Nutrición e a Saúde, o Turismo, a Enoloxía, así como o Patrimonio e a Cultura.

Campus e centros

A Universidade Rovira i Virgili ten seis campus que aloxan as sete facultades, as tres escolas técnicas superiores e as dúas escolas universitarias, máis unha sede no Baix Penedès.

• Campus Cataluña: no centro da cidade de Tarragona.
  • Facultade de Letras
  • Facultade de Ciencias Xurídicas
  • Escola Universitaria de Enfermería
• Campus Sescelades: no norte da cidade de Tarragona.
  • Facultade de Ciencias da Educación e Psicoloxía
  • Facultade de Química
  • Facultade de Enoloxía
  • Escola Técnica Superior de Enxeñería (ETSE)
  • Escola Técnica Superior de Enxeñería Química (ETSEQ)
• Campus Vapor Nou: no centro da cidade de Reus.
  • Facultade de Medicina e Ciencias da Saúde
• Campus Bellisens: no leste da cidade de Reus.
  • Facultade de Ciencias Económicas e Empresariais
  • Escola Técnica Superior de Arquitectura de Reus (ETSAR) prepara e expide o título de Arquitecto, así como doutoramentos e masters de posgrao. Creouse en 1991 e é a única escola de arquitectura da provincia de Tarragona. O centro está situado no Campus Bellisens de Reus.
• Campus Vila-seca: en Vila-seca.
  • Escola Universitaria de Turismo e Lecer - Vila-seca
• Campus Terres de l'Ebre: en Tortosa.
  • Impártense estudos de Grao de Enfermería, de Administración e Dirección de Empresas, de Educación Infantil e de Educación Primaria.
• Sede do Baix Penedès: en El Vendrell.
  • Impártense estudos de Grao de Enfermería e de Educación Infantil.

Centros adscritos

• Centro de Estudos Superiores de Aviación (CESDA) - Reus
• Escola Universitaria da Saúde e o Deporte (EUSES) - Tortosa

Véxase tamén

Ligazóns externas

• Sitio web da Universidade Rovira i Virgili (en varias linguas)