Resident Evil 2

Resident Evil 2 é un videoxogo pertencente á serie Resident Evil, producida por Capcom. Orixinalmente foi lanzado en 1998 para PlayStation. Uns meses despois do lanzamento, púxose á venda unha segunda versión, compatible coa vibración do mando Dual Shock. Un ano despois lanzouse en PC e game.com. No ano 2000 saíron as versións de Nintendo 64 e Dreamcast. Posteriormente, en 2003 foi lanzado para GameCube, en 2008 na PlayStation Store nipoa e cara a finais de 2009 será publicado para Wii, baixo o título Resident Evil: The Darkside Chronicles. Non obstante, esta última versión ten un renovado aspecto técnico, un estilo de xogo distinto e narra máis feitos co xogo orixinal.

Resident Evil 2
Tipo	videoxogo
Xénero artístico	survival horror e videoxogo de zombis
Franquía	Resident Evil
Autoría
Director/a	Hideki Kamiya
Temática
Ambientado en	Raccoon City
Universo ficticio	universo de Resident Evil
Personaxes  Claire Redfield  William Birkin  Annette Birkin  Katherine Warren  Daniel Cortini  Tofu  Sherry Birkin  Ada Wong  Leon S. Kennedy  Elliot Edward
Publicación
Data publicación	21 de xaneiro de 1998
País orixe	Xapón
Produtor/a	Shinji Mikami
Editorial	Capcom
Unidades vendidas	4960000 (30 de xuño de 2021)
Formato de distribución	disco óptico
Número de
Parte da serie	Resident Evil
Obra derivada
Derivados  Resident Evil 2
Videoxogo
Desenvolvedor	Capcom, Factor 5 (pt) , Rockstar San Diego e Tiger Electronics (pt)
Plataforma	Dreamcast, Nintendo 64, Microsoft Windows, PlayStation e GameCube
Modo de xogo	videoxogo para un xogador
Clasificación	PEGI CERO USK
Contacto
Páxina WEB	capcom.co.jp…
Redes
[ Wikidata ]

Historia

A historia comeza en xullo de 1998, cando Leon S. Kennedy e Claire Redfield chegan a Raccoon City, sen saber que a cidade está infestada de zombies e outras armas biolóxicas. Leon é un policía asignado a esta cidade. Claire busca ó seu irmán, Chris (que estivera implicado nos sucesos que narra o primeiro Resident Evil). Nada máis chegar, sepáranse por mor dun accidente dun trailer. Xa nas rúas, son atacados por zombies e refúxianse na comisaría de policía. Descobren que Chris marchou da cidade e deciden fuxir eles tamén. Mentres buscan unha ruta de saída achan un laboratorio de Umbrella e a verdade sobre a orixe do incidente. Coñecen ademais a Annette Birkin, doutora de Umbrella, implicada nas investigacións co virus T e G. Tras eliminar decenas de inimigos, foxen nun helicóptero.

Mecánica de xogo

Trátase dun xogo en terceira persoa, con cámaras fixas e ambiente angustiante. Antes de comezar a partida escollemos personaxe: Claire ou Leon. Se rematamos unha partida con cada un no rango A, poderemos xogar unha misión especial con Hunk, un mercenario que traballa para Umbrella.

Versión da game.com

Todas as versións de Resident Evil 2 tiñan un bo nivel agás esta, debido ás especificacións técnicas desta consola. Ademais do apartado técnico pobre, a duración era moito máis curta cas outras versións.

Crítica

No seu momento recibiu boas notas por parte da prensa especializada, acadando un 89 en Metacritic para PlayStation e Nintendo 64. A versión de Dreamcast acadou un 77, mentres que a de GameCube só obtivo un 59 .

Vendas

A versión de PlayStation vendeu 5.82 millóns de copias en todo o mundo.