Rego do Burgo, río Brandelos

O rego do Burgo ou rego de Puntillón é un afluente do río Brandelos que discorre polos concellos do Pino e Touro, na comarca de Arzúa e ten unha lonxitude total de 7.720 metros.

Rego do Burgo, río Brandelos

Ponte sobre o rego do Burgo preto da rúa do Picón, no Pedrouzo
Tipo	regato
Inicio
División administrativa	España
Localización	Arca
Final
División administrativa	Touro, España
Localización	Bama
Desembocadura	Río Brandelos
42°56′N 8°22′O B 42°52′33″N 8°21′35″O
Características
Altitude	365 m
Dimensións	7,72 () km

Características

Nace na Chousa de Abeas, dentro da parroquia de Arca e preto do lugar de Samil, a uns 365 metros de altitude, e desemboca no río Brandelos á altura do lugar de Sar, na parroquia de San Vicenzo de Bama, a uns 185 metros de altitude, seguindo unha dirección norte-sur sen apenas describir grandes revoltas.

Apenas a 1.800 metros do seu nacemento, nun meandro, atópase o castro da Roda ou de Vilaboa. Pouco despois vai bordeando polo leste a capital municipal do Pino, O Pedrouzo, deixando o lugar do Picón ao seu leste. A dous quilómetros do seu encontro co Brandelos, preto do lugar da Sapeira, na parroquia de Bama, o rego do Xeimar vai converxer con el. Por fin, apenas a uns centos de metros ao sur dunha área de extracción de áridos, a antiga mina de cobre de Río Tinto, o rego do Burgo ten o seu encontro co Brandelos.

Conta con cinco subafluentes, sendo o rego do Xeimar o máis importante deles.

Etimoloxía

Este rego debe o seu nome ao lugar do Burgo, que atravesa. Por este lugar pasa o Camiño Francés a Santiago.