Ramiro Martínez López
Ramiro Martínez López, coñecido como Zapateiro, nado no O Areal (Cabanas) o 5 de abril de 1903, foi un guerrilleiro antifranquista galego.
| Biografía | |
|---|---|
| Nacemento | 1902  (121/122 anos)Laraxe, España |
| Datos persoais | |
| Outros nomes | Zapateiro |
| País de nacionalidade | España |
| Actividade | |
| Ocupación | membro da resistencia |
| Lingua | Lingua castelá |
| Carreira militar | |
| Conflito | Guerra civil española |
Traxectoria editar
Veciño do Peón (Laraxe). Na II República detivérono en xaneiro de 1934 por participar nunha reunión clandestina da CNT en Neda.[1] Logo da vitoria do Frente Popular en febreiro de 1936 foi nomeado concelleiro de Cabanas. Escapou ao monte ao producirse o golpe de Estado do 18 de xullo de 1936. Integrouse no grupo de José Vázquez Mauriz e foi un dos coordinadores dos primeiros grupos guerrilleiros da comarca do Eume. Despois integrouse na IV Agrupación do Exército Guerrilleiro de Galicia. Desertou da guerrilla en xaneiro de 1947 e entregouse ás autoridades. Pero ao non querer denunciar a ninguén, tivo que volver fuxir ao monte. Acabou tolo e foi detido o 10 de maio de 1951. Xulgado en Ferrol en consello de guerra o 24 de abril de 1952, foi condenado a 20 anos de prisión. Indultado, saíu en liberdade provisional en 1957.
Notas editar
- ↑ El Pueblo Gallego, 30-1-1934, p. 15.
Véxase tamén editar
Bibliografía editar
- Otero Roberes, Carmen; Sobrino Ceballos, Juan; Domínguez Ferro, Manuel (2001). "Fuxidos na fraga. Episodios da guerrilla antifranquista nas terras do Eume" (PDF). Cátedra. Revista eumesa de estudios (8): 205–235. Arquivado dende o orixinal (PDF) o 21 de setembro de 2011. Consultado o 16 de marzo de 2017.
- Martínez, Lupe (2023). Guerrilleir@s antifranquistas da provincia da Coruña. Vigo: Galaxia. pp. 292–294. ISBN 978-84-1176-172-7.
- Redondo Abal, Francisco Xavier (2006). Botarse ao monte. Censo de guerrilleiros antifranquistas na Galiza (1939-1965). Sada: Do Castro. ISBN 84-8485-231-8.