Ramón Saleta Neira

político galego

Ramón Saleta Neira, nado en Donostia en 1952, é un político galego do PSdeG-PSOE

Ramón Saleta Neira
Nome completoRamón Saleta Neira
Nacemento1952
Lugar de nacementoDonostia
NacionalidadeEspaña
Ocupaciónpolítico e sindicalista
editar datos en Wikidata ]

Traxectoria editar

Nado na emigración cunha familia con raíces en Corme, regresaron á súa vila natal sendo moi neno. Licenciado en Xeografía e Historia, foi secretario da asociación de veciños de Corme. Nas eleccións municipais de 1983 foi elixido concelleiro en Ponteceso como número 2 do PSdeG-PSOE, logrando maioría absoluta e sendo nomeado primeiro tenente de alcalde. Nas municipais de 1987 volveu a concorrer como número 2 socialista revalidando o partido a maioría absoluta, polo que continuou como primeiro tenente de alcalde. Trala dimisión de José Luis Suárez Cotelo en setembro de 1989 para ser deputado autonómico foi elixido novo alcalde de Ponteceso[1]. Encabezou a candidatura do PSdeG-PSOE nas municipais de 1991 e conseguiu volver a ser elixido alcalde, pero perdeu a maioría absoluta e pasou a gobernar en minoría. En outubro de 1992 presentou a súa dimisión ante e situación de inestabilidade que vivía o concello e foi substituído polo número 3 socialista Fernando Castro Villar.

En xullo de 1993 foi nomeado responsable de organización e administración de Unións Agrarias en Carballo. Debido ó seu matrimonio pasou a residir en Malpica de Bergantiños en 1994[2], onde foi secretario xeral da agrupación local socialista ata decembro de 1999[3], formando parte da candidatura socialista como número 3 nas municipais de xuño dese mesmo ano. Se ben non foi elixido concelleiro, o seu candidato José Ramón Varela Rey logrou a alcaldía grazas a un pacto co BNG e os independentes de AEMU. En febreiro de 2018 volveu ser secretario xeral do PSdeG en Malpica, recuperando o partido a alcaldía nas municipais de 2019 na persoa de Walter Pardo Añón. Porén, presentou a súa renuncia como secretario xeral en xullo de 2019[4].


Predecesor:
José Luis Suárez Cotelo
  
Alcalde de Ponteceso
 
1989 - 1992
Sucesor:
Fernando Castro Villar

Notas editar

  1. La Voz de Galicia, Carballo, 28-9-1989, p.41.
  2. La Voz de Galicia, Carballo, 16-5-1999, p.41.
  3. La Voz de Galicia, Carballo, 9-12-1999, p.50.
  4. Dimite la cúpula del PSOE de Malpica tras la renuncia de Ramón Saleta

Véxase tamén editar

Outros artigos editar

Ligazóns externas editar