Ponteceso

Para outras páxinas con títulos homónimos véxase: Ponteceso.

Ponteceso é un concello da provincia da Coruña, pertencente á comarca de Bergantiños. Segundo o IGE no ano 2018 tiña 5.565 habitantes (5.789 no ano 2015, 6.065 no 2012, 6.134 no 2011, 6.215 no 2010). O seu xentilicio (véxase no Galizionario) é «pontecesán».

Ponteceso

Localización
43°14′34″N 8°54′02″O
Estado	España
Comunidade autónoma	Galicia
Provincia	provincia da Coruña
Capital	Ponteceso
Poboación
Poboación	5.318 (2024) (57,8 hab./km²)
Xeografía
Parte de	comarca de Bergantiños
Superficie	92,01 km²
Bañado por	Océano Atlántico
Altitude	387 m
Comparte fronteira con	Cabana de Bergantiños Carballo Coristanco Malpica de Bergantiños
Organización política
• Alcalde	Xosé Lois García Carballido
Eleccións municipais en Ponteceso
Identificador descritivo
Código postal	15110
Fuso horario	UTC+01:00
Código INE	15068
Sitio web	ponteceso.net

Xeografía

Situación

Limita cos concellos de Cabana de Bergantiños, Carballo, Coristanco e Malpica de Bergantiños. Está formado por 14 parroquias, sendo as máis poboadas as de Tella (1.102 habitantes no 2018), Corme Porto (1.077 habitantes no 2018) e Cospindo (679 habitantes no 2018). Os centros médicos atópanse no lugar de Ponteceso e en Corme Porto, onde se sitúa tamén o único porto pesqueiro do concello.

Demografía

Censo total	5.789 (2015)
Menores de 15 anos	515 (8.9 %)
Entre 15 e 64 anos	3.481 (60.13 %)
Maiores de 65 anos	1.793 (30.97 %)

Evolución da poboación de Ponteceso   Fontes: INE e IGE.
1900	1930	1950	1981	2004	2009	2011	2012	2013	2014	2015	2016	2017	2018	2019	2020	2021	2022	2023
6.987	8.517	9.323	8.714	6.810	6.302	6.134	6.065	5.964
(Os criterios de rexistro censual variaron entre 1900 e 2004, e os datos do INE e do IGE poden non coincidir.)

Casa consistorial.

Cultura

Toponimia

O topónimo da vila provén do latín Ponte caesa (que significa Ponte pechada ou cortada). Algúns historiadores afirman que o topónimo débese a que a ponte orixinal, de orixe romana que unía os actuais municipios de Cabana de Bergantiños e Ponteceso, se derrubou dando lugar ao nome ponte caesa (ponte cortada).^{[Cómpre referencia]}

O primeiro censo no que se nomea o concello co nome de Ponteceso é o de 1877. Anteriormente o concello foi coñecido co nome de Bugalleira.

Etnografía

Festas e celebracións

En Ponteceso celébranse multitude de festas de toda índole: relixiosas, pagás e gastronómicas.

Na primeira semana de xullo celébrase a Festa do percebe, e a segunda fin de semana de setembro celébrase a festa da Barquiña que é a festa principal do concello sendo o luns e o martes días festivos locais.
Outras festas relevantes son a da Virxe do Faro, celebrada o 8 de setembro, e a de San Bernardo da Graña, celebrada o 20 de agosto. Ademais no Día das Letras Galegas celébranse varias actividades culturais no Couto.

Entre as festas destacan:

Capela Virxe do Faro

• Na parroquia de Brantuas:
  • San Xulián o día 7 de xaneiro, este santo é o patrón da parroquia.
  • Romaría da Virxe do Faro, celebrase o 8 de setembro,
  • O Sacramento que se celebra o primeiro domingo de agosto
• Na parroquia de Cospindo:
  • Día das Letras Galegas celébranse varias actividades culturais no Couto.
  • Festa da Barquiña que é a segunda fin de semana de setembro, esta é a festa principal do concello sendo o luns e o martes días festivos locais.
• Na parroquia de Corme Porto:
  • Na primeira semana de xullo celébrase a Festa do percebe.
  • O 16 de xullo (con véspera o 15 ) celébrase a Festa do Carme.
  • O último domingo de agosto (con véspera o sábado) e o luns e martes seguintes celébrase a festa de San Roque.
  • O 24 de setembro (con véspera o 23) celébranse as festas patronais na honra da Virxe dos Remedios.
• Na parroquia da Graña:
  • San Bernardo da Graña, celebrase o 20 de agosto

Economía

A agricultura en Ponteceso ten certa importancia, con cultivos como millo e pataca. Nos últimos anos o municipio desenvolveu un bo sector turístico arredor da vila mariñeira de Corme. Na capital pontecesán o comercio e os servizos son as actividades maioritarias. As capturas de diversos mariscos, como por exemplo o percebe, son tamén importantes para a economía local.

Galería de imaxes

Artigo principal: Galería de imaxes de Ponteceso.

• 
  Ponte sobre o río Anllóns
• 
  Pazo Pondal
• 
  Capela da Virxe do Faro
• 
  Praia de Balarés

Véxase tamén

Outros artigos

• Eleccións municipais en Ponteceso
• Lugares de Ponteceso
• Camiño dos Faros

---

Este artigo sobre concellos de Galicia é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---