Ramón López-Suevos
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xaneiro de 2019.) |
Ramón López-Suevos Fernández, nado en Ferrol en 1943, é un economista galego.
| Biografía | |
|---|---|
| Nacemento | 1943  (80/81 anos)Ferrol, España |
| Datos persoais | |
| País de nacionalidade | España |
| Educación | Universidade de Madrid |
| Actividade | |
| Ocupación | economista |
| Lingua | Lingua galega |
| Familia | |
| Cónxuxe | Manuela Fraguela |
 | |
Traxectoria editar
Fillo do coronel Andrés López-Suevos Alonso, sobriño do falanxista, director de TVE e presidente nos anos 50 do Atlético de Madrid Jesús Suevos Férnandez-Jove. Licenciado en Ciencias Económicas en Madrid, doutorándose pola Universidade de Santiago de Compostela, completando estudos en Francia como bolseiro (Universidade da Sorbona, París). Trasladouse a Santiago de Compostela en 1970, e incorporouse como profesor á Facultade de Económicas en 1971. Tras varios anos acadou a Cátedra na Universidade de Santiago de Compostela. É autor de diversos libros sobre sociopolítica e economía.
Foi un dos fundadores do BNG. Militou na UPG, incorporándose ao Comité central da organización en xullo de 1976. Participou na redacción das Bases constitucionais en 1977.
Vida persoal editar
Estivo casado con Manuela Fraguela e é pai da xuíz Ana López-Suevos Fraguela.
Obras editar
Ensaio editar
- Cara unha visión crítica da economía galega, 1975.
- Escedente económico e análise estructural, 1977, Galaxia.
- Do capitalismo colonial, 1979, Edicións do Cerne.
- A estructura espacial interna da economía española: unha crítica da posición autonomista, 1981, Xistral.
- Dialéctica do desenvolvimento: naçom, língua, classes sociais, 1983, AGAL.
- Portugal no quadro peninsular, 1987, AGAL.
- O outro desenvolvemento, 1990, Novo Século.
- Socialismo e mercado, 1992, Laiovento.
- A Sede da terra: economía da áuga, 1995, Laiovento.
Obras colectivas editar
- A contaminación na Galicia, 1975, Edicións do Rueiro.
- A Galicia rural na encrucillada, 1975, Galaxia.
- Problemática nacional e colonialismo: o caso galego (en colaboración con Francisco Rodríguez), 1978, Xistral.
- Actas do I Congresso Internacional da Língua Galego-Portuguesa na Galiza, 1984), 1986, AGAL.
- Estudio del sector forestal en Galicia, 1989.