Rally do Lacón de 1992
O Rally do Lacón de 1992 foi a 26ª edición de dito rally e a terceira proba da tempada 1992 do Campionato de Galicia de Rally. Celebrouse entre o 13 e o 14 de maio de 1992 e o vencedor foi Manuel Senra, sobre o seu Peugeot 309 GTI 16v.[1]
| Tipo | edición de rally  |
|---|---|
| Parte de | Rally Pazo Tizón e Tempada 1992 do Campionato de Galicia de Rally |
| Número de participantes | 45 |
| Localización e Datas | |
| País | España |
| Intervalo de tempo | 13 de maio de 1992 – 14 de maio de 1992 |
| Número de edición | 26 (1992) |
| Competición | |
| Primeiro posto | Manuel Senra |
Resumo
editarGermán Castrillón dominou as primeiras dúas seccións das tres que compoñían o rally, mentres que Manuel Senra foi o máis rápido nos treitos nocturnos do domingo, que pechaban a proba. Os vehículos chegaron á meta con Castrillón na primeira posición e con Senra segundo, a 11 segundos do cabanés. Con todo, tras finalizar a carreira Senra puxo unha reclamación sobre o o primeiro paso por Cabanelas, treito que fora anulado e non contabilizado ao caer unha árbore na estrada despois de que xa pasaran seis participantes, incluído o propio Senra, pero non Castrillón. Os comisarios déronlle a razón e contabilizaron os tempos dos pilotos que completaron dito treito adxudicándolle ao resto o peor dos seis tempos. Con estes novos tempos a clasificación mudou e declarouse gañador a Manuel Senra. A decisión enfadou ao equipo dos Castrillón, que acusaron á organización de "regalarlle o rally a Senra" e prometeron que non volverían correr o Rally do Lacón,[1] promesa que mantiveron. O carballiñés José María Banga completou o podio.[2]
Clasificación
editar| Pos | Piloto | Copiloto | Automóbil | Tempo |
|---|---|---|---|---|
| 1 |  Manuel Senra
|
José Maceiras
|
Peugeot 309 GTI 16v | 1h04'29'' |
| 2 | Germán Castrillón
|
Estrella Castrillón
|
Ford Sierra Cosworth | 1h04'38'' |
| 3 | José María Banga
|
Modesto González
|
Citroën AX Sport | |
| 5 | José Carlos Táboas
|
Manuel Gilsanz
|
Citroën AX Sport | |
| 6 |  Javier Azcona
|
Gonzalo Chaure
|
Renault Clio 16v | |
| Abandonos | ||||
| - | José María Magdaleno
|
Manuel Campos
|
Lancia Delta Integrale | - |
| - | Javier Paz
|
Manuel García
|
Citroën AX Sport | - |
Notas
editar- ↑ 1,0 1,1 "Una reclamación contra Castrillón otorga a Manuel Senra el triunfo en el Ralli do Lacón". La Voz de Galicia (en castelán). 15de xuño de 1992. p. 34.
- ↑ "José María Banga fue el mejor entre los locales y tercero en la clasificación general". La Voz de Galicia (en castelán). 16 de xuño de 1992. p. 38.
| Predecesor: Rally de Noia |
Campionato de Galicia de Rally Tempada 1992 |
Sucesor: Rally de Ferrol |