Rally de Vigo de 1991
O Rally de Vigo de 1991 foi a cuarta e última edición de dito rally e a oitava proba da tempada 1991 do Campionato de Galicia de Rally.
Rally Recalvi de 1991 | |
---|---|
Categoría | Galicia |
Organizador | Escudería Motor Vigo |
Ámbito | Rexional |
Superficie | Asfalto |
Gañadores | |
Piloto campión | Manuel Senra |
Participantes | |
Pilotos | 50 |
Anterior | Rally de Vigo de 1990 |
Celebrouse en Vigo o 15 de setembro de 1991 e o vencedor foi Manuel Senra, a bordo dun Peugeot 205 GTI e con José Maceiras como copiloto.[1] Foi a primeira das 37 vitorias de Senra no campionato galego.
Resumo
editarJavier Piñeiro comezou liderando a proba, mentres Manuel Senra deu varios trompos no primeiro treito. Con todo, o Peugeot 205 GTI de Senra comezou a reducir a diferenza e colocouse primeiro no seu paso polo treito de Chenlo. Ambos pilotos chegaron igualados a Salceda, último treito, onde se impuxo o piloto de Dumbría.[1]
O berciano Antonio Garrido co seu habitual Ford Sierra Cosworth completou o podio, mentres que detrás del chegaron os Citroën AX Sport de Arturo Rial, cuarto, e José María Banga, quinto.[2] Só conseguiron chegar á meta 25 vehículos dos 50 que tomaron a saída.[1]
Clasificación
editarPos | Piloto | Copiloto | Vehículo |
---|---|---|---|
1 | Manuel Senra | José Maceiras | Peugeot 205 GTI |
2 | Javier Piñeiro | Renault Clio 16v | |
3 | Antonio Garrido | Ford Sierra Cosworth | |
4 | Arturo Rial | Citroën AX Sport | |
5 | José María Banga | Citroën AX Sport |
Notas
editar- ↑ 1,0 1,1 1,2 "Manuel Senra consiguió este año en el IV Rally de Vigo su primera victoria". La Voz de Galicia (en castelán). 17 de setembro de 1991. p. 44.
- ↑ "Senra venció en el Rally Recalvi tras una apasionada lucha con Piñeiro". La Voz de Galicia (en castelán). 16 de setembro de 1991. p. 34.
Predecesor: Rally da Coruña |
Campionato de Galicia de Rally Tempada 1991 |
Sucesor: Rally San Froilán |