Rally de Pontevedra de 1985
O Rally de Pontevedra de 1985 foi a segunda edición de dito rally, así como a última proba da tempada 1985 do Campionato de Galicia de Rally. Celebrouse o 7 de decembro de 1985 e o vencedor foi o mexicano Ricardo Gallardo, a bordo dun Porsche 911 SC.[1]
| II Rally de Pontevedra | |
|---|---|
| Categoría |  Galicia |
| Localización | Pontevedra |
| Organizador | Escudería Motor Vigo |
| Ámbito | Rexional |
| Superficie | Asfalto |
| Gañadores | |
| Piloto campión |  Ricardo Gallardo |
| Participantes | |
| Pilotos | 43 |
| Anterior | Rally de Pontevedra de 1984 |
| Seguinte | Rally de Pontevedra de 2021 |
Resumo editar
O campionato galego chegou á última proba co título xa decidido a favor de José Mora e o seu copiloto Luís Moya, polo que estes non tomaron a saída, como tampouco o fixeron Carlos Piñeiro nin José Luis Vilanova.[2]
O ourensán Peitos, cun Alfa Romeo GTV, comezou liderando a proba, pero tivo que retirarse no terceiro treito, despois de saírse da estrada. Ao chegar a Cangas, o tamén ourensán Alfonso Pavón lideraba a proba co seu Renault 5 GT Turbo, con 24 segundos de vantaxe sobre o mexicano afincado en Pontevedra Ricardo Gallardo. Tras eles chegaban Enrique Fernández "Vila", tamén cun GT Turbo e Carreira e Obdulio Fernández "Lute", ambos con SEAT 124 FL 90.
Nos últimos tres treitos Gallardo recortou as diferenzas con Pavón ata poñerse por diante e gañar o rally. Con todo, a Pavón o segundo posto serviulle para proclamarse subcampión galego por detrás de Mora. O ourensán "Vila" completou o podio.[1] Entre os SEAT Panda o vencedor foi José María Magdaleno, mentres que José Pereira chegou segundo, proclamándose vencedor do Trofeo Panda 1985.[1]
A carreira disputouse cunha intensa choiva que provocou numerosos abandonos, entre eles os de Peitos, Lute, Manuel Balado e Javier Arosa. Só 23 vehículos chegaron á meta.[1]
Clasificación editar
| Pos | Piloto | Copiloto | Automóbil | Tempo |
|---|---|---|---|---|
| 1 | Ricardo Gallardo
|
M. Fandiño
|
Porsche 911 SC | |
| 2 | Alfonso Pavón
|
Renault 5 GT Turbo | a 8'' | |
| 3 | Vila
|
Renault 5 GT Turbo | ||
| 4 | Carreira
|
SEAT 124 FL 90 | ||
| 5 | Roberto Torres
|
Talbot Horizon | ||
| Abandonos | ||||
| - | "Peitos"
|
Alfa Romeo GTV | - | |
| - | "Lute"
|
SEAT 124 FL 90 | - | |
| - | Manuel Balado
|
Talbot Samba Rallye | - | |
| - | Javier Arosa
|
SEAT Panda 45 | - | |
Notas editar
- ↑ 1,0 1,1 1,2 1,3 Arévalo, Fernando (9 de decembro de 1985). "Gallardo se adjudicó el rally de Pontevedra y Pereira ganó el campeonato gallego «Panda»". La Voz de Galicia (en castelán). p. 30.
- ↑ Arévalo, Fernando (4 de decembro de 1982). "Rally de Pontevedra". La Voz de Galicia (en castelán). p. 42.
| Predecesor: Rally da Coruña |
Campionato de Galicia de Rally Tempada 1985 |
Sucesor: - |