Radio Fene
emisora de radio de Fene
Radio Fene é unha emisora de radio municipal do concello de Fene. A súa primeira emisión realizouse o 27 de setembro de 1984, transmite nos 107.7 da FM e as súas emisións pódense escoitar tamén nos concellos de Ares, Ferrol, Mugardos, Narón e Neda. Conta con 40 colaboradores e ten o seu estudio na Casa do Concello de Fene.
| Radio Fene | |
|---|---|
| Tipo | emisora de radio local |
| Data de fundación | 1984 |
| Sede | Fene |
| País | Galicia |
| [ editar datos en Wikidata ] | |
A emisora dependía ao primeiro do Servizo de Normalización Lingüística do concello e posteriormente creouse un organismo propio, o Padroado. Inda que solicitara unha concesión ao abeiro de diversas ordes do Ministerio de Cultura, non obtivo resposta e as autoridades ordenaron o peche da emisora, o cal non se produciu e a emisora seguiu a emitir.