Río Valiñas

Para outras páxinas con títulos homónimos véxase: Valiñas.

O río Valiñas é un curso fluvial galego.

Río Valiñas

Río Valiñas ao seu paso pola Telva (Culleredo).
Tipo	curso de auga
Inicio
División administrativa	Provincia da Coruña, España
Localización	Vista Alegre
Final
División administrativa	Provincia da Coruña, España
Localización	Río Mero
43°17′59″N 8°21′34″O
Características
Altitude	240 m
Dimensións	12 () km

Conca fluvial do río Mero e Barcés, onde está o río Valiñas.

Curso

Nace preto do lugar de Vista Alegre, no concello da Laracha. Logo transcorre polo concello de Culleredo, onde forma o Val de Veiga, e Cambre, formando linde entre os dous ata desembocar no río Mero, na Telva, xa practicamente na ría do Burgo. Na parroquia de Veiga, no concello de Culleredo, únese coas augas de dous regatos procedentes da zona do monte Xalo, o rego do Castelo e o rego da Cruz, co que forman un caudal considerable.

No seu curso baixo está moi contaminado por motivo da industria construída na súa ribeira e da poboación existente nas inmediacións. No curso medio, e máis ben no curso alto ten unhas condicións non tan degradadas, pero segue recibindo contaminación procedente do mal saneamento dos lugares que están ó seu carón, como por exemplo en Ledoño e Sésamo.^{[Cómpre referencia]}