Río Lozoya

Para outras páxinas con títulos homónimos véxase: Lozoya.

O Lozoya é un río da Península Ibérica que atravesa transversalmente o norte da Comunidade de Madrid, e desemboca no río Jarama na provincia de Guadalaxara (Castela-A Mancha).

Río Lozoya

Tipo	río
Situado na entidade xeográfica	Península Ibérica
Inicio
División administrativa	Comunidade de Madrid, España
Localización	Serra de Guadarrama
Final
División administrativa	provincia de Guadalaxara, España
Localización	Río Jarama
40°52′25″N 3°27′18″O
Afluentes	Arroyo del Aguilón (en) , arroyo de la Puebla (en) , arroyo de Pinilla (en) , arroyo Cigüeñuela (en) , arroyo Jóvalo (en)
Conca hidrográfica	conca hidrográfica do Texo
Características
Dimensións	91 () km
Superficie da cunca hidrográfica	1.265 km²
Medicións
Caudal	9,94 m³/s

Este curso de auga ten a súa fonte no Parque Natural de Peñalara, na vertente madrileña da serra de Guadarrama, e é o principal abastecedor de auga potábel da Comunidade de Madrid. A súa auga está considerada como unha das de maior calidade para o consumo humano de España.

Ao longo do seu curso de 91 km é embalsado até en cinco ocasións. Seu principal encoro, o de El Atazar, é tamén o de maior capacidade de almacenamento de auga da rexión.

A súa conca coincide coa comarca da Serra Norte de Madrid, e ten unha superficie de 1 265 km². Seu curso forma o val do Lozoya, onde se encontra o municipio de Lozoya, do que o río toma seu nome.