Río Cinca

O río Cinca é un curso fluvial aragonés, o segundo máis caudaloso da comunidade autónoma. É un afluente do Segre pola súa beira dereita, e polo tanto un subafluente do Ebro.

Cinca
País	España
Nacemento	Lago de Pineta
Lonxitude	170 km
Conca	9.000 km²
Caudal medio	?
Desembocadura	Río Segre (Conca do Ebro)
Mapa coa conca do Cinca.

O río Cinca nos arredores de Aínsa

Percorrido

O Cinca nace nos Pireneos, no lago de Pineta a uns 2.500 msnm, baixo o pico de Tres Sorores, na comarca do Sobrarbe. O seu curso toma unha dirección N-S, aínda que vai devalando lixeiramente cara a oriente. Durante o seu curso medio atravesa localidades como Fraga, Monzón e Barbastro. Desauga no Segre á altura da Granja d'Escarp, poucos quilómetros antes da confluencia deste río co Ebro.

Afluentes

Pola dereita:

• Ara.
• Vero.
• Alcanadre (cos subafluentes Flumen, Isuela e Guatizalema).

Pola esquerda:

• Cinqueta.
• Esera (co Isábena).
• Sosa.

Límite lingüístico

O curso baixo do Cinca marca, actualmente, a fronteira lingüística entre o catalán e o castelán (no pasado co aragonés). Atravesa localidades importantes da Franja del Ponent (a zona lingüística catalá occidental) como son Fraga e Massalcoreig, a única poboación administrativamente catalá do seu curso.

Explotación

No curso alto do Cinca están situados os encoros de Lo Grau e Mediano

Protección ambiental

No seu curso alto nace dentro do Parque Nacional de Ordesa e Monte Perdido. No lado catalán, a contorna do sistema Segre-Cinca está protexido como Espazo de Interese Natural.