Río Albariña

O río Albariña é un afluente pola marxe esquerda do río Barcala.

Río Albariña
Río Albariña dende a ponte de Cobas, en Negreira
País	España
Comunidade Autónoma	Galicia
Nacemento	Monte Silvariño
Altitude	350 m
Lonxitude	12,7 km
Desembocadura	Río Barcala
Altitude desembocadura	150 m
Cadea fluvial	Río Albariña, Río Barcala, Río Tambre
Cunca do río Tambre marcada en azul escuro

Curso

Nace na Boca da Braña no monte Silvariño, preto das aldeas de Faxín, Suevos e A Choupana, e discorre principalmente polo concello da Baña para finalmente desembocar no río Barcala en Negreira.

Afluentes

Afluentes do Río Albariña por orde, dende o nacemento ata a desembocadura:

1. Rego de Gatón (desemboca fronte a Paredes pola marxe dereita).
2. Rego de Faílde (desemboca en San Vicenzo pola marxe esquerda).
3. Rego das Agrotas (desemboca en Señor pola marxe dereita).
4. Rego de Nantón (desemboca en Nantón pola marxe esquerda).
5. Rego do Pe do Muíño (desemboca preto de Nantón pola marxe esquerda).
6. Rego da Pedra Alba (desemboca preto de Nantón pola marxe dereita).

Galería de imaxes

• 
  Desembocadura do Albariña no río Barcala, en Negreira.
• 
  Albariña dende a ponte de Cobas.
• 
  Ponte de Cobas sobre o Albariña.
• 
  Ruta dos 3 Pazos de Negreira ó seu paso sobre o Albariña.