Rávena

Rávena (en italiano Ravenna, en romañolo Ravèna) é unha cidade ao norte de Italia na Emilia-Romaña, é a capital da provincia homónima. Sitúase na chaira nororiental da Romaña, a poucos quilómetros do Mar Adriático. O municipio ten unha poboación de case 160.000 habitantes, dos cales a maior parte viven no núcleo urbano.

Rávena
Ravenna Ravêna
Piazza del Popolo
Localización
Rávena
País	Italia
Rexión	Emilia-Romaña
Provincia	Rávena
Xeografía
Altitude	4 msnm
Superficie	652,92 km²
Demografía
Poboación	159.116 (2018)
Densidade	244 hab/km²
Xentilicio	Ravenés
Outros datos
Código postal	48100
Alcalde	Michele de Pascale (PD)
www.comune.ra.it/

Rávena é famosa polos seus monumentos bizantinos e paleocristiáns que revelan a súa orixe antiga e o seu papel histórico no desenvolvemento italiano. A 36 quilómetros da cidade esténdense os lidi ravennati, praias inmensas no verde da famosa costa romañola.

En Rávena atópase enterrado Dante Alighieri, autor d’A Divina Comedia.

Historia

Torre da Catedral

• As orixes de Rávena remóntanse á metade do II milenio antes da nosa era. No período romano, a cidade tivo certa importancia estratéxica pola súa situación fronteiriza. En tempos de Xulio César construíuse un porto na localidade veciña de Classe, a uns oito quilómetros do centro de Rávena.
• No ano 402 o emperador Honorio trasladou trasladou á cidade desde Milán a capital do Imperio Romano de Occidente. A solidez das súas murallas e as excelentes comunicacións do seu porto co Mediterráneo oriental motivaron esta decisión.
• Logo da desaparición do Imperio Romano de Occidente no 476, a cidade continuou a ser capital dos reinos xermánicos de Italia. Os reis Odoacro (476-493) e Teodorico (493-526) continuaron o engrandecemento da cidade.
• O reino ostrogodo entrou en crise trala morte de Teodorico. Os bizantinos interviron abertamente na política do reino a partir do 535, en que se desencadean as Guerras Góticas. A cidade será tomada polo xeneral bizantino Belisario no 540. Converterase entón en sé do exarca enviado desde Constantinopla para gobernar Italia. A cidade permanecerá baixo dominio bizantino até o 751, cando é ocupada polos longobardos. Os compases iniciais do exarcado, baixo a autoridade do emperador Xustiniano e da súa esposa Teodora (século VI), sinalan o momento de máximo esplendor da cidade.
• No século XV pasou aos venecianos e no século seguinte á Igrexa, baixo a que permaneceu ata a Unidade de Italia.

Monumentos

Monumentos paleocristiáns de Rávena
O Mausoleo de Teodorico en Rávena.
Patrimonio da Humanidade - UNESCO
País	Italia
Localización	44°25′04″N 12°11′58″L
Tipo	Cultural
Criterios	I, II, III, IV
Inscrición	1996 (20ª sesión)
Rexión da UNESCO	Europa e América do Norte
Identificador	788

Ten importantes edificios paleocristiáns, como o oratorio de San Lorenzo, coñecido como o mausoleo de Gala Placidia, e os baptisterios ortodoxo e ariano. Os edificios máis impoñentes son a basílica ariana, construída por Teodorico (hoxe dedicada a San Apolinar) e a da San Vital, construída por Xustiniano I.

Nas proximidades da cidade atópase a basílica de San Apolinar, que pertencía ao porto de Clase, hoxe desaparecido. Este edificio é máis antigo que as basílicas da cidade.

Demografía

Véxase tamén

Outros artigos

• Basílica de San Vital de Rávena

Ligazóns externas

• Municipio de Rávena
• Provincia de RávenaArquivado 11 de novembro de 2011 en Wayback Machine.
• Ravenna Civic NetworkArquivado 28 de xaneiro de 2018 en Wayback Machine.
• RomagnaOggi.it, portal de noticias
• Rávena Informa