Club Rápido de Bouzas

O Club Rápido de Bouzas é un club de fútbol da parroquia de Bouzas na cidade de Vigo, que milita na Terceira División RFEF. Fundado en 1914, é o segundo equipo de fútbol máis antigo de Galicia. O club acadou o seu cumio deportivo entre 2017 e 2019, cando militou durante dúas tempadas na Segunda División B, terceira categoría do fútbol español.

Rápido de Bouzas
Nome	Club Rápido de Bouzas
Alcume(s)	Gualdinegros
Fundación	1914
Estadio	Baltasar Pujales, Bouzas, Vigo, Galicia
Inauguración	2001
Capacidade	1500
Presidente	Alfonso Caneiro
Adestrador	David de Dios
Liga	3ª – Grupo 1
2022/23	3º
Vestimenta	Nike
Patrocinador	Pescamar
Na rede
http://www.rapidodebouzas.com/
Titular Alternativo

Rápido de Bouzas, 2022.

Historia

O equipo foi fundado o 12 de agosto de 1914 co nome de Club Rápido Football, no seo do Liceo Marítimo de Bouzas, do cal tomou as cores negra e amarela.{ Converteuse en club en 1917 e federouse en 1921.

Participou na Serie B do Campionato de Galicia de fútbol, resultando campión na tempada 1922-23. No verán dese ano foi convidado a unirse co Real Vigo Sporting Club e mais o Real Club Fortuna de Vigo no proxecto de fusión que deu lugar ao Celta de Vigo, mais o club declinou a oferta.

Na tempada 1965-66 acadaron o ascenso por vez primeira á Tercera División, competición que gañaron na temada 2004-2005. É o equipo de Galicia con maior número de tempadas consecutivas nesta categoría tras o Cerceda. Amais acadaron seis títulos de Campión de Galicia de afeccionados. En 2005 o club xogou por vez primeira a Copa do Rei de fútbol, sendo eliminado polo Rayo Vallecano. No ano 2014 foi galardoado co premio Vigués distinguido.

Na tempada 2015-16 o equipo gañou o grupo galego da Copa RFEF, tras eliminar o Deportivo B e o Alondras, e vencer na final fronte ao Cerceda en Ribadumia por 3-0.

O 25 de xuño de 2017 logrou o ascenso a Segunda B por vez primeira tras eliminar o Peralada, o Cayón e o Villa de Santa Brígida. Mantívose nesta categoría dúas tempadas, clasificándose de novo para a Copa do Rei.

Adestradores

• Juan Carlos Andrés Costa
• 2014-16 Xurxo Otero
• 2016-17 Patxi Salinas
• 2017-2018 Borja Jiménez Sáez
• 2018-2018 Xurxo Otero
• 2018-2019 Míchel Alonso
• 2019-2029 Miguel Fernández Pérez
• 2019-2020 Milo Abelleira
• 2020- David de Dios

Presidentes

Na actualidade o presidente da entidade gualdinegra é Manuel Pedro Seoane Cordal. Así mesmo, o presidente honorífico é Baltasar Pujales Estévez.

Cronoloxía dos presidentes

• Baltasar Pujales Estévez (-2005)
• Manuel Pedro Seoane Cordal (2005-)

Uniforme

• Uniforme titular: Camiseta amarela e negra a raias verticais, pantalón negro e medias negras.

Rápido de Bouzas vs Centro de Deportes Barco. Venceu o Rápido: 2-0.

Estadio

O Campo de Fútbol Municipal Baltasar Pujales é a sede onde o Club Rápido de Bouzas disputa os seus encontros.

Datos do club

• Tempadas en 1ª: 0
• Tempadas en 2ª: 0
• Tempadas en 2ª B: 2
• Tempadas en 3ª: 22
• Mellor posto na liga: 5º en 2ª B (2017/18).
• Promocións de ascenso a Segunda B: 3 (1 ascenso)
• Participacións na Copa do Rei: 2

Historial na liga

Tempada Categoría Posto Copa do Rei de 17-18 Rexional — a 64-65 Rexional — 1965/66 3ª 8º 1966/67 3ª 10º 1967/68 3ª 13º de 67-68 Rexional — a 98-99 Rexional — 1999/00 3ª 12º 2000/01 3ª 14º 2001/02 3ª 5º 2002/03 3ª 4º

Tempada Categoría Posto Copa do Rei 2003/04 3ª 14º 2004/05 3ª 1º 2005/06 3ª 15º Rolda previa 2006/07 3ª 12º 2007/08 3ª 9º 2008/09 3ª 15º 2009/10 3ª 10º 2010/11 3ª 10º 2011/12 3ª 7º 2012/13 3ª 8º 2013/14 3ª 10º

Tempada Categoría Posto Copa do Rei 2014/15 3ª 10º 2015/16 3ª 8º 2016/17 3ª 2º 2017/18 2ªB 5º 1ª rolda 2018/19 2ªB 17º 1ª rolda 2019/20 3ª 18º 2020/21 3ª RFEF 6º / 4º 2021/22 3ª RFEF 6º 2022/23 3ª RFEF 3º

Palmarés

• Terceira División (1): 2004–05
• Campionato de Galicia da Serie B (1): 1921–22
• Fase Autonómica Galega da Copa RFEF (3): 2002–03, 2012–13, 2015–16

Véxase tamén

Ligazóns externas

• Sitio web oficial