Quique Fornos
Enrique "Quique" Fornos Domínguez, nado nas Pontes o 1 de xaneiro de 1997, é un futbolista galego. Xoga de central na Cultural Leonesa, da Primeira División RFEF.
 (2022)  | |||||||||||||||||||||||||||||||||||||||||||||||||||||||
| Biografía | |||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | 1 de xaneiro de 1997 (27 anos) As Pontes de García Rodríguez, España | ||||||||||||||||||||||||||||||||||||||||||||||||||||||
| Actividade | |||||||||||||||||||||||||||||||||||||||||||||||||||||||
| Ocupación | futbolista | ||||||||||||||||||||||||||||||||||||||||||||||||||||||
| Deporte | fútbol | ||||||||||||||||||||||||||||||||||||||||||||||||||||||
| Posición de xogo | Defensa | ||||||||||||||||||||||||||||||||||||||||||||||||||||||
| Número deportivo | 15 | ||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||
Traxectoria
editarComezou nas categorías inferiores do CD As Pontes, ata que en 2010 foi fichado polo Deportivo da Coruña para a súa canteira. Tras avanzar nos equipos cadete e xuvenil branquiazuis, debutou co Fabril na Terceira División o 1 de setembro de 2013, xogando como titular na vitoria ante o Cultural Areas no Mundo do Fútbol (2–1), na primeira xornada do campionato.
Só uns días despois, o 11 de setembro, con tan só 16 anos, debutou da man de Fernando Vázquez co primeiro equipo do Deportivo da Coruña, nun partido de Copa do Rei contra o Córdoba CF (1–1) no que tras unha prórroga os coruñeses lograron o pase á seguinte rolda nunha quenda de penaltis na que se lanzaron 28 penaltis (12–13).[1] Durante as seguintes tres tempadas compaxinou partidos no equipo xuvenil con partidos no Fabril, subindo definitivamente ao filial na tempada 2016/17, ao remate da cal o equipo logrou o ascenso a Segunda B.[2] Militou dous anos máis no Fabril, xogando no primeiro deles unha fase de ascenso a Segunda e vivindo tamén un descenso ao ano seguinte.
O 15 de abril de 2019, logo de confirmarse o descenso matemático do Fabril a Terceira División, rescindiu o seu contrato para incorporarse de inmediato á disciplina do Racing de Ferrol, en Terceira.[3] Co equipo ferrolán xogou os últimos partidos da tempada, acadando o primeiro posto do grupo e conseguindo o ascenso a Segunda B tras vencer na promoción ao Real Jaén.[4]
Militou os dous seguintes anos na Segunda B e a continuación outros dous na nova Primeira División RFEF. Na tempada 2022/23 proclamouse campión da categoría, contribuíndo con 18 partidos e un gol ante o Linares Deportivo, e conseguiu así un ascenso a Segunda que o Racing non lograra dende facía unha década e media.[5] Con todo, tralo ascenso o club comunicoulle de xeito inesperado que non contaban con el para a vindeira tempada, a pesar de ter un ano máis de contrato.[5]
En xullo de 2023 foi presentado como novo xogador da Cultural Leonesa.[6]
Selección galega
editar
Foi convocado pola selección galega para o partido contra Panamá disputado no Estadio de Balaídos o 31 de maio de 2024, que finalizou con derrota (0–2).[7]
Palmarés
editar- Fabril
- Terceira División (1): 2016/17.
- Racing de Ferrol
Notas
editar- ↑ "El Dépor se venga del Córdoba desde el punto de penalti". Marca (en castelán). 12 de setembro de 2013. Consultado o 27 de novembro de 2020.
- ↑ "O Fabril ascende a Segunda B ao grande". RC Deportivo. 28 de maio de 2017. Consultado o 27 de novembro de 2020.
- ↑ "O Deportivo acepta a solicitude de Quique Fornos de saír do Fabril de modo inminente para incorporarse ao Racing de Ferrol". Deportivo da Coruña. 15 de abril de 2019. Consultado o 27 de novembro de 2020.
- ↑ "El Racing asciende a Segunda División B" (en castelán). 2 de xuño de 2019. Consultado o 27 de novembro de 2020.
- ↑ 5,0 5,1 Codesido, Juanma (23 de xuño de 2023). "Quique Fornos, la gran sorpresa en los descartes del Racing de Ferrol". As (en castelán). Consultado o 8 de outubro de 2023.
- ↑ Pérez Cillero, Diego (28 de xullo de 2023). "Quique Fornos: «La Cultural es uno de los grandes de la categoría»" (en castelán). Consultado o 8 de outubro de 2023.
- ↑ "CRÓNICA. A selección galega non pode cunha dura Panamá". Nós Diario. 31 de maio de 2024. Consultado o 1 de xuño de 2024.