Queima das Fachas

O Folión de Castelo, nome tradicional da festa (na liña dos folións de Vilelos, no Saviñao, e de Castro Caldelas), agora tamén denominado Queima das Fachas de Castelo, no concello de Taboada, celébrase do 7 ao 8 de setembro é da comezo ás festas na honra de santa María. Foi declarada Festa de Interese Turístico Galego en outubro de 2008.[1]

Celébrase o folión no Castro de Castelo; dispóñense ergueitas as fachas nunha circunferencia, agardando que chegue a noite para ilas prendendo unha a unha. As Fachas poden acadar os 9 metros de altura e están feitas de agucios, unhas plantas moi combustibles cando están secas. Os agucios apáñanse durante os meses de xullo e agosto.

NotasEditar

  1. La Voz de Galicia (7-9-2010); "Castelo ultima los preparativos para la Queima das Fachas". "O castro será escenario dun espectáculo que conta con máis de dous mil años de antigüidade", en castelán.

Véxase taménEditar

Outros artigosEditar

Ligazóns externasEditar