Wikipedia

Psicopatía (trastorno mental)

trastorno antisocial da personalidade

A psicopatía[1] é un trastorno de personalidade.[2][3] Os psicópatas non mostran preocupación nin respecto polos sentimentos ou dereitos dos demais. Case non mostran empatía nin emocións e non intentan axustarse ás normas sociais e carecen de sentimento de culpabilidade. É un termo semellante é sociopatía, aínda que hai matices nos dous termos.[4]

Psicopatía
SinónimosParcialmente, é sinónimo de "sociopatía" e de "trastorno de personalidade antisocial"
EspecialidadePsiquiatría e psicoloxía clínica; a neuroloxía tamén pode estar involucrada ata certo punto, especialmente cando se investigan as bases cerebrais ou neurolóxicas dos trazos psicopáticos.
Aviso médico.
Aviso médico.
Advertencia: A Wikipedia non dá consellos médicos.
Se cre que pode requirir tratamento, por favor, consúltello ao médico.

Terminoloxía

editar

Etimoloxía

editar

O termo 'psicópata' provén do grego. A palabra está formada pola combinación de dous elementos gregos: "psyche" (ψυχή), que significa 'mente' ou 'alma', e "pathos" (πάθος), que significa 'doenza' ou 'sufrimento' (da mesma raíz, "patoloxía"). Polo tanto, 'psicópata' tradúcese literalmente como 'doenza da mente' ou 'sufrimento da alma'.[5]

Definición

editar

A definición de psicopatía variou. Utilízanse diferentes definicións. Só se superpoñen en parte e ás veces parecen contraditorias.[6][7]

Algunhas persoas son etiquetadas incorrectamente como psicópatas, a pesar de non presentaren desafíos significativos coas normas sociais. A psicopatía pode ser mal interpretada, sendo un trastorno complexo que inclúe trazos como falta de empatía e comportamento manipulador. Ademais, estudos mostran que existen diferenzas de xénero na manifestación da psicopatía: nos homes, a psicopatía tende a manifestarse con comportamentos máis abertamente antisociais, mentres que nas mulleres pode presentarse de formas menos directas, aínda que tamén inclúen manipulación e desconsideración polos outros.[8]

Trazos de personalidade

editar

Moitos psicópatas son encantadores e adoitan ter lazos superficiais con outras persoas. Adoitan mostrar tamén outros comportamentos antisociais, incluíndo sadismo, violencia e enganos. Usan outras persoas para o seu propio beneficio; son egoístas e acostuman descartar as persoas que xa non lles serven.[9][10][11][12]

Influencia de substancias psicoactivas

editar

Estudos recentes vincularon o consumo de substancias como a cocaína con patróns de comportamento psicopático, exacerbando trazos como a impulsividade e desconsideración polos dereitos dos outros, contribuíndo a comportamentos máis extremos en individuos con tendencias psicopáticas.[13]

Tratamento

editar

Hai esforzos para utilizar a terapia condutual para tratar psicópatas; moitas veces, isto pódese facer en centros penitenciarios, onde a prevalencia do trastorno de personalidade antisocial é maior.

Con todo, entre os psiquiatras profesionais, a psicopatía é coñecida por ser difícil de tratar.[14] [15]

Notas

editar
  1. ↑ "Dicionario galego de termos médicos" (PDF). web.archive.org; www.edu.xunta.gal - DXPL. Consultado o 28 de outubro de 2024. 
  2. ↑ A psicopatía refírese a un conxunto de trazos de personalidade, como falta de empatía, impulsividade etc. Non está recoñecida como un diagnóstico formal nos principais manuais clínicos como o DSM-5. En cambio, o Trastorno da personalidade antisocial (TPA) é un diagnóstico clínico establecido que describe un patrón persistente de comportamento antisocial e desconsideración polos dereitos dos outros, e está incluído no DSM-5.
  3. ↑ "Psychopathic Personality: Bridging the Gap Between Scientific Evidence and Public Policy". Association for Psychological Science - APS (en inglés). Consultado o 2024-10-28. 
  4. ↑ Stone, Michael H., Brucato, Gary (2019). The new evil: understanding the emergence of modern violent crime. Prometheus Books. pp. 48–52. ISBN 978-1633885325. 
  5. ↑ "PSICÓPATA, radicación". Etimologías de Chile - Diccionario que explica el origen de las palabras (en castelán). Consultado o 2024-10-28. 
  6. ↑ Skeem, Jennifer L.; Polaschek, Devon L. L.; Patrick, Christopher J.; Lilienfeld, Scott O. (2011-12). "Psychopathic Personality: Bridging the Gap Between Scientific Evidence and Public Policy". Psychological Science in the Public Interest (en inglés) 12 (3): 95–162. ISSN 1529-1006. doi:10.1177/1529100611426706. 
  7. ↑ "psicopatía". Dicionario da Real Academia Galega. Consultado o 2024-10-28. 
  8. ↑ "Gender issues in the assessment and manifestation of psychopathy" (PDF). aetap.eu (en inglés e alemán). 
  9. ↑ Dutton, Kevin 2012. The Wisdom of Psychopaths. Scientific American / Farrar, Straus & Giroux. ISBN 978-0-374-70910-5 (e-book)
  10. ↑ "Why Are Psychopaths So Charming: Understanding Their Magnetic Appeal and Hidden Manipulations - Mind Psychiatrist" (en inglés). 2024-10-21. Consultado o 2024-10-28. 
  11. ↑ "This Charming Psychopath". Psychology Today (en inglés). Consultado o 2024-10-28. 
  12. ↑ Olu (2024-09-16). "13 Signs You Might Be Living With a Psychopath - Craft Your Happy Place" (en inglés). Consultado o 2024-10-28. 
  13. ↑ "Link Between Cocaine Use and Psychopathy; Cocaine Increases Sensorimotor Gating and is Related to Psychopathy". tandfonline.com (en inglés). Consultado o 2024-10-28. 
  14. ↑ Vien, Anh; Beech, Anthony R. (2006-07). "Psychopathy: Theory, Measurement, and Treatment". Trauma, Violence, & Abuse (en inglés) 7 (3): 155–174. ISSN 1524-8380. doi:10.1177/1524838006288929. 
  15. ↑ "Treatment". www.apa.org. Consultado o 2024-10-28. 

Véxase tamén

editar
 
 Este artigo sobre psicoloxía é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.
Traído desde «https://gl.wikipedia.org/w/index.php?title=Psicopatía_(trastorno_mental)&oldid=6874296»