Provincia de Entre Ríos

Provincia de Entre Ríos

Lema	Federación, libertad y fuerza
Himno	Marcha de Entre Ríos
Capital poboación (ano)	Paraná 247.863 habitantes (2010)
Gobernador	Gustavo Bordet (PJ)
Superficie	78.781 km²
Poboación Densidade	1.236.300 hab.(2010) 15,69 hab./km²
Xentilicio	Entrerriano

A provincia de Entre Ríos é unha das 23 provincias da Arxentina. Ten unha poboación de 1.236.300 habitantes (2010), sendo a sétima provincia máis poboada do país, co 3,1% da poboación total nacional. A súa capital é Paraná.

Forma parte da Rexión Centro, aínda que tamén se inclúe como parte da Mesopotamia conformada polos ríos Uruguai e Paraná, no Litoral arxentino. Limita polo sur coa Provincia de Buenos Aires, polo oeste coa Provincia de Santa Fe, polo norte coa Provincia de Corrientes e polo leste coa República Oriental do Uruguai.

Con 78.781 quilómetros cadrados (distribuídos territorialmente en 66 976 km² de terra firme e 11 805 km² de illas e terras anegadizas), é a décima sétima provincia máis extensa do país, ocupando o 2,83 % da superficie total do mesmo.

A miúdo defínese como unha provincia de carácter "insular", por estar rodeada por ríos e arroios. Os seus principais accesos están constituídos por pontes e un túnel subfluvial. A rede de auga superficial e profunda, a través de acuíferos e apta para o consumo inmediato, é até 12 veces maior que en calquera outra provincia arxentina.

A provincia tivo un destacado papel na etapa de organización nacional; sendo Territorio Federal da Capital do país durante a presidencia de Justo José de Urquiza.

Véxase tamén

Ligazóns externas

• Sitio web oficial
• Sitio de turismo da provincia de Entre Ríos

---

Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.  Existen igualmente outros artigos relacionados con este tema nos que tamén podes contribuír.

---