Provincia de Chachoengsao

provincia da Tailandia
(Redirección desde «Provincia Chachoengsao»)
Chachoengsao
Capital Chachoengsao
Rexión Rexión Central
Poboación 635.153 habitantes
Censo abril de 2000
Área 5.351,0 km²
Densidade 118,70 hab/km²
Poboación estimada 649.758 habitantes (xullo de 2002)
Localización da provincia

Chachoengsao (en tailandés: ฉะเชิงเทรา) é unha das setenta e seis provincias que conforman a organización territorial de Tailandia, localizada na Rexión Central. A súa capital é a cidade de Chachoengsao.

Xeografía Editar

Na parte oeste da provincia, río abaixo, atópase a chaira do río Bang Pa Kong, que se emprega profusamente para o cultivo de arroz. Cara ao leste o terreo é máis accidentado, cunha altura media de máis de 100 metros sobre o nivel do mar. Limita coas provincias tailandesas de, empezando polo norte e seguindo o sentido dos agullas do reloxo: Prachin Buri, Sa Kaeo, Chanthaburi, Chon Buri, Samut Prakan, Bangkok, Pathum Thani e Nakhon Nayok. Tamén ten unha pequena porción de límite no Golfo de Tailandia.

Símbolos Editar

 
Selo provincial

O selo provincial mostra a fachada principal do templo de Sothornvararamvoraviharn. Nesta fachada atópase a estatua de Buda máis importante da provincia, denominada Luang Por Buddha Sothorn.

A árbore da provincia é a Peltophorum dasyrachis, asignada pola raíña Sirikit no 50º aniversario da coroación do Rei Rama IX no 2000. A flor da provincia é a Peltophorum pterocarpum.

O lema provincial é: "O abundante río Bang Pakong, a sagrada imaxe de Buda de Luangpho Sothon, Phraya Si Sunthon o erudito da lingua tailandesa, e o inmaculado bosque de Ang Rue Nai".

Distritos Editar

 
Distritos da provincia.

A provincia está subdividida en 10 distritos (amphoes) e 1 subdistrito (king amphoe). Os distritos e o subdistrito son divididos á súa vez en 93 comunas (tambons) e estas, en 859 poboados (moobans).

Amphoe King Amphoe
  1. Chachoengsao
  2. Bang Khla
  3. Bang Nam Priao
  4. Bang Pakong
  5. Ban Pho
  1. Phanom Sarakham
  2. Ratchasan
  3. Sanam Chai Khet
  4. Plaeng Yao
  5. Tha Takiap
  1. Khlong Khuean

 
 Este artigo sobre xeografía é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.