Praza de San Pedro

praza do vaticano

Coordenadas: 41°54′08″N 12°27′26″L / 41.902183055556, 12.457238888889

A Praza de San Pedro (Piazza San Pietro, en italiano) atópase na Cidade do Vaticano, dentro da cidade e capital italiana de Roma e precede, a modo de gran sala períptera, á Basílica de San Pedro, o magno templo do catolicismo. Foi proxectada por Gian Lorenzo Bernini entre 1656 e 1667.

Praza de San Pedro, no Vaticano, vista desde a cúpula da Basílica de San Pedro.
O papa Bieito XVI o día de Nadal de 2009 na Praza de San Pedro.
Vista parcial da columnata de Bernini.

Á praza accédese desde a Via della Conciliazione e mostra, ao fondo, a magnífica fachada da Basílica de San Pedro; esta vía comeza no largo Xoán XXIII, moi preto do castelo de Sant'Angelo, xunto ao río Tíber, pasando ao final pola praza Pío XII.

A praza é unha grande explanada trapezoidal que se alarga lateralmente mediante dúas pasaxes, con forma elíptica, de columnatas rematadas nunha balaustrada sobre a que se asentan as figuras de cento corenta santos de diversas épocas e lugares. No seu interior hai dúas fontes, unha en cada foco da elipse e, no medio da praza, erixiuse un monumental obelisco (de 25 m de altura e 327 t de peso), un bloque pétreo sen inscricións traído de Exipto, que estaba no Circo de Nerón e que, en 1586 o papa Sixto V decidiu colocar fronte á Basílica de San Pedro na memoria do martirio de San Pedro no circo de Nerón. Coñécesa como a "testemuña muda", pois xunto a el crucificouse a Pedro. A esfera de bronce da cúspide que, segundo a lenda medieval, contiña os restos de Xulio César, foi substituída por unha reliquia da cruz de Cristo. As dúas pasaxes de columnas (284 de 16 m cada unha) ábrense a cada lado simbolizando o abrazo de acollida da Igrexa ao visitante que parece invitan a entrar.

Nesta praza o papa acostuma celebrar algunhas liturxias solemnes (especialmente aquelas que reúnen multidumes demasiado grandes para caberen na inmensa basílica) e outros encontros, sobre todo audiencias públicas.

A praza da Concordia de París é unha copia desta praza, pois tanto o obelisco como as fontes e a súa distribución son idénticas ás de San Pedro.

Véxase tamén editar

Bibliografía editar

  • Paul Letarouilly, Le Vatican et la Basilique de Saint-Pierre de Rome, París, VTE A. Morel et CIE Éditeurs, 1882
  • Maurizio e Marcello Fagiolo Dell'Arco, Bernini, Roma, Mario Bulzoni Editore, 1967
  • Franco Borsi, Bernini architetto, Milán, Electa, 1980
  • Massimo Birindelli, Piazza San Pietro, Bari, Laterza, 1981
  • Italo Insolera, Roma, Roma-Bari, Laterza, 1985
  • Leonardo Benevolo, San Pietro e la città di Roma, Roma-Bari, Laterza, 2004

Outros artigos editar

Ligazóns externas editar