Pierre Daubenton, nado o 10 de abril de 1703 en Montbard (ducado de Borgoña) e finado na mesma localidade o 14 de setembro de 1776 foi un avogado, político e escritor francés, colaborador da Encyclopédie.[1]

Pierre Daubenton
Nacemento10 de abril de 1703
Lugar de nacementoMontbard, ducado de Borgoña
Falecemento12 de decembro de 1785
Lugar de falecementoMontbard
Nacionalidadefrancesa
Ocupaciónxurista, avogado, político, escritor, enciclopedista
IrmánsLouis Jean Marie Daubenton
editar datos en Wikidata ]

Traxectoria editar

Era fillo de Jean Daubenton e Marie Pichenot, e irmán do naturalista Louis-Jean-Marie Daubenton.[2]

No seu pobo natal, Montbard, foi primeiro avogado no xulgado local e, máis tarde, alcalde, comandante da gornición, tenente da policía e oficial do exército local.

Tamén foi subdelegado da administración en Dijon, capitán dos arcabuceiros, alguacil das abadías de Moutiers-Saint-Jean e Fontenay, membro das Academias de Lión e Dijon, das Sociedades Literarias de Auxerre e Ruán e, finalmente, membro honorario da Sociedade Económica de Berna.[2]

Moi interesado en temas de historia natural, Pierre Daubenton achegou á Encyclopédie de Diderot moitos artigos sobre temas relacionados coa botánica e coa xardinaría e tamén sobre temas agrícolas.

Tamén se lle debe unha "Relación á festa dada en Montbard por Buffon sobre o nacemento do fillo de Luís Henrique, duque de Borbón, príncipe de Condé".[2]

O 22 de outubro de 1737 casou con Bernarde Amyot, coa que tivo un fillo, Georges Louis Daubenton (1739–1785).[2]

Notas editar

Véxase tamén editar

Bibliografía editar

  • Louise Lyle & David McCallam, edit. (2008): Histoires de La Terre: Earth Sciences and French Culture 1740–1940. Amsterdam: Rodopi. ISBN 9-0420-2477-1, p. 59.
  • Mémoires de la Société Éduenne, 1879, tome 8. Autun: Dejussieu père et fils, p. 85.

Ligazóns externas editar