Periferia (novela)

Para outras páxinas con títulos homónimos véxase: Periferia.

Periferia é unha novela de Iolanda Zúñiga. Foi publicada por Edicións Xerais en outubro de 2010, logo de acadar o Premio Xerais dese ano. Está ambientada na cidade de São Paulo.

Periferia
Autor/a	Iolanda Zúñiga
Orixe	Galiza
Lingua	galego
Colección	Narrativa
Xénero(s)	Novela
Editorial	Edicións Xerais
Data de pub.	outubro de 2010
Formato	15,5 x 23 cm cartonado
Páxinas	504
ISBN	978-84-9914-170-1
[ editar datos en Wikidata ]

(...) con constantes referencias á cultura popular, á cultura de masas, á música, aos medios, á publicidade, ao cine, [Periferia] está tecida cunha mestura de textos tipicamente posmoderna.

Extracto tirado da contraportada da obra.

Trama

Luciana e Brown son unha parella da periferia de São Paulo, nun arrabalde de favelas, unha zona marcada polo narcotráfico e a violencia. A historia narra o seu devir ao tempo que trata de pintar un fresco sobre a cidade actual, coa miseria e a falta de oportunidades.

Estilo e crítica

A novela está escrita en forma polifónica, cun narrador/a omnipresente (tamén por ir acoutando algo, pobre de min) que vai debullando, con un presente histórico que dota á historia dun modo documentalista, as súas descricións, as súas impresións da cidade. A voz narrativa, nun galego de elevada concentración metafórica, cunha sintaxe envolvente e interminable, case abafante, vai colocando as pezas deste quebracabezas con parsimonia, coa introdución de numerosos excursos, con datos, estatísticas, informes, sobre a prostitución, o narcotráfico, o fútbol, o entroido, as organizacións criminais, o tránsito, a venda de armas ou a estrutura interna e funda do mundo das favelas

Crítica da novela a cargo de Arume dos Piñeiros.

Unha reflexión, en suma, sobre o exercicio do poder, en contra das escravitudes, sobre a intolerancia mercé a unha voz que quere erguerse, con forza, contra ese holocausto continuo e recorrente que segue a “reencarnarse” nas favelas.

Recensión a cargo de Ramón Nicolás.

Estrutura

Presentación da novela no CulturGal 2010.

A novela está dividida en 11 seccións. Todas elas constan dun primeiro e moi longo parágrafo e dun segundo que apenas pasa dunha simple liña. A divisón da novela é como segue:

1. A Cidade
2. A Periferia
3. A Coprotagonista
4. O Carnaval
5. O Narcotráfico
6. O Amor
7. O Fútbol
8. O Crime
9. Bonus track: o Cárcere
10. Agradecementos
11. Hidden track: o Funk

Véxase tamén

Ligazóns externas

• Ficha na web da editorial.
• Planeta Periferia, blog da autora no que dá conta das circunstancias e contidos da novela.
• "A periferia brasileira do s. XXI en Ferrez e Iolanda Zúñiga (II)", artigo de Noa Fernández Pazo en Praza Pública, 11 de novembro de 2015.