Pedro de Portugal
Pedro de Portugal, duque de Coímbra (Lisboa 1392 - 1449) infante de Portugal e rexente (1439-1448).
| Pedro de Portugal | |
|---|---|
.jpg) | |
| Nacemento | 9 de decembro de 1392 |
| Lugar de nacemento | Lisboa |
| Falecemento | 20 de maio de 1449 |
| Lugar de falecemento | Alverca do Ribatejo |
| Soterrado | Mosteiro de Batalha |
| Nacionalidade | Reino de Portugal |
| Relixión | catolicismo |
| Pai | Xoán I de Portugal |
| Nai | Filipa de Lancaster |
| Cónxuxe | Isabel de Urgel, Duquesa de Coimbra |
| Fillos | Pedro de Coimbra, Condestável de Portugal, Isabel de Avis, Rainha de Portugal, João de Coimbra, Príncipe de Antioquia, Jaime de Portugal, Beatriz de Coimbra e Filipa, infanta de Portugal |
| Irmáns | Isabel de Portugal, Duquesa de Borgoña, Beatriz, Condessa de Arundel, Henrique, duque de Viseu, Duarte de Portugal, Fernando, o Infante Santo, Afonso I, Duque de Bragança e Xoán, Infante de Portugal |
| Premios | knighthood e Orde da Xarreteira |
| Na rede | |
 | |
 | |
| [ editar datos en Wikidata ] | |
Desde o seu nacemento Pedro foi un dos fillos favoritos do rei Xoán I. O seu pai dotouno dunha educación excepcional. En 1415 viaxou á beira do seu pai e os seus irmáns na expedición portuguesa contra Ceuta, e foi nomeado cabaleiro ese ano. Foi entón cando o seu pai lle concedeu o ducado de Coímbra a el e o ducado de Viseu ó seu outro irmán, Henrique o navegante.
Cando o seu irmán Duarte I de Portugal morreu o 1438, o seu fillo Afonso V ascendeu ao trono, baixo a rexencia da súa nai Leonor de Aragón. Pero a rexencia estivo marcada polo conflito debido á súa impopularidade polo feito de ser muller e estranxeira. Así o 1439, Xoán de Portugal, duque de Aveiro, solicitou a xuntanza das Cortes que designaron Pedro rexente do reino, unha opción que satisfixo o pobo e a burguesía. Pero unha parte da nobreza, a que se atopaba ao redor de Afonso de Portugal, medio irmán de Pedro e conde de Barcelos, preferiu Leonor. Comezou unha guerra de influencias e poucos anos máis tarde Afonso logrou ter ó seu sobriño Afonso V de Portugal baixo o seu dominio político, converténdose no tío preferido do rei.
En 1443, nunha postura de reconciliación, Pedro nomeou ó seu medio irmán Afonso, primeiro duque de Braganza. No 1445 Afonso oféndese pola elección dunha filla de Pedro como dona de Afonso V. Indiferente ás intrigas Pedro continuou a súa rexencia, o país prospera e concédense as primeiras axudas para a exploración do océano Atlántico feita por Henrique o navegante.
O 9 de xuño de 1448 Afonso V accedeu a maioría de idade polo que Pedro renunciou a rexencia O rei Afonso V por influencia do seu tío Afonso anula tódalas leis e editos de Pedro. Por unha falsa acusación o rei amosa inimizade co seu tío e sogro, declarándoo rebelde ao reino. Na batalla de Alfarrobeira do 20 de maio de 1449, preto de Alverca, Pedro de Portugal resultou derrotado e morto.