Pedro Gil Gómez

Pedro Gil Gómez
	;
Biografía
Nacemento	26 de abril de 1980 (43 anos); Sant Sadurní d'Anoia, España
Datos persoais
País de nacionalidade	España
Actividade
Ocupación	xogador de hóckey , xogador de hóckey a patíns
Período de actividade	1997 -
Lingua	Lingua catalá e lingua castelá
Deporte	hóckey a patíns
Posición de xogo	Atacante
Traxectoria
	Premios Medalla de Ouro da Real Orde do Mérito Deportivo ;

Pedro Gil Gómez (tamén coñecido como Pedrito Gil), nado en Esplugues de Llobregat o 13 de decembro de 1980, é un xogador de hóckey a patíns catalán e que xoga na demarcación de dianteiro. Dende a tempada 2012-13 xoga no Hockey Valdagno italiano.

Entre as súas características salienta a súa velocidade, axilidade e a súa capacidade goleadora, que o levaron a ser considerado como un dos mellores dianteiros do mundo.

Traxectoria editar

Pedro Gil iniciou a súa carreira deportiva no equipo da súa cidade natal, o Club Esportiu Noia, equipo co que xogou dende as categorías inferiores ata 1998, ano no que asinou co Club Patín Tenerife. Tras un ano en Tenerife, regresou ao club do Alt Penedès. No ano 2000 foise xogar a Portugal, primeiro dúas tempadas no Clube Infante de Sagres, e no 2002 co FC Porto, club no que xogou 5 tempadas e onde se consagrou como un dos mellores dianteiros de Europa. No 2007 volveu á OK Liga tras asinar co Reus Deportiu, club co que se alzou co título do Campionato do Mundo de clubs de 2008 celebrado en Reus, e coa Copa de Europa na tempada 2008-09, disputada na localidade italiana de Bassano del Grappa. Ao seu retorno á Liga portuguesa (novamente ao FC Porto), logrou dúas ligas nas tempadas 2009-10 e 2010-11. No verán de 2012 asinou co Hockey Valdagno (Italia).

En 2012, logrou o seu sétimo Europeo coa Selección española, facendo historia ao lograr o récord de 7 Campionatos de Europa consecutivos, feito que non conseguiu ningún outro país.

Clubs editar

Club	Liga	Temporadas
Noia Freixenet	OK Liga	1997 - 1998
Club Patín Tenerife	OK Liga	1998 - 1999
Noia Freixenet	OK Liga	1999 - 2000
Club Infante de Sagres	Campeonato Nacional	2000 - 2002
FC Porto	Campeonato Nacional	2002 - 2007
Reus Deportiu	OK Liga	2007 - 2009
FC Porto	Campeonato Nacional	2009 - 2012
Hockey Valdagno	Serie A	2012 - 2013
HC Forte dei Marmi	Serie A	2013 - 2016
Sporting Clube de Portugal	Campeonato Nacional	2016 -

Palmarés editar

CE Noia editar

1 Copa do Rei (1998)
1 Copa CERS (1997-98)

FC Porto editar

7 Ligas portuguesas (2002-03, 2003-04, 2004-05, 2005-06, 2006-07, 2009-10, 2010-11)
2 Copas de Portugal (2005, 2006)

Reus Deportiu editar

1 Mundial de clubs (2008)
1 Copa de Europa (2008-09)

Selección española editar

Coa Selección española, da que é capitán dende 2009, ten conquiestado 5 mundiais, os 4 últimos consecutivos (San Juan 2001, San José 2005, Montreux 2007, Vigo 2009, San Juan 2011) e 7 europeos consecutivos (Wimmis 2000, Florencia 2002, La Roche-sur-Yon 2004, Monza 2006, Oviedo 2008, Wuppertal 2010, Paredes 2012).