Paulo II Pedro al-Mauxi
| Paulo II Pedro al-Mauxi | |
|---|---|
 | |
| Patriarca da Igrexa Católica Maronita | |
| Biografía | |
| Nacemento | 1 de abril de 1894 en Xasin, distrito de Xasin, Gobernación do Líbano Meridional, Líbano |
| Pasamento | 11 de xaneiro de 1975 |
| Ordes | |
| Ordenación sacerdotal | 7 de decembro de 1917 |
| Consagración episcopal | 8 de decembro de 1934, por Antón I Pedro Arida |
| Creado cardeal | 22 de febreiro de 1965, por Paulo VI |
| Elixido patriarca | 25 de maio de 1955 |
| Patriarca de Antioquía dos Maronitas Cardeal-Bispo de Antioquía dos Maronitas | |
| 1955 - 1975 | |
| Predecesor | Antón I Pedro Arida |
| Sucesor | Antón II Pedro Khuraix |
| Cargos anteriores | Bispo de Tiro (1934 - 1955) |
| Outros | |
| Ficha en catholic-hierarchy.org | |
Paulo II Pedro al-Mauxi[1] (en árabe: بولس بطرس المعوشي, Bulus Butrus al-Mauxi), nado en Xasin (Líbano) o 1 de abril de 1894 e finado o 11 de xaneiro de 1975, foi o 74º Patriarca de Antioquía e de todo Levante dende o 25 de maio de 1955 até o seu pasamento, e polo tanto cabeza da Igrexa Católica Maronita. Foi tamén cardeal da Igrexa Católica dende 1965.
TraxectoriaEditar
Primeiros anosEditar
Naceu en Xasin (entón no mutasarrifato do Monte Líbano, hoxe na gobernación do Líbano Meridional, no Líbano) o 1 de abril de 1894.[2] Estudou na escola dos alepianos de Dair al-Qamar e posteriormente na escola Al-Hikma de Beirut, e posteriormente estudou Teoloxía e Filosofía na Pontificia Universidade Gregoriana en Roma. Foi ordenado sacerdote en 1917 en Roma, onde permaneceu até a súa volta ao Líbano en 1919. En 1920 o patriarca Elías Pedro Huayik enviouno xunto co bispo Xukrala Khuri aos Estados Unidos como visitador patriarcal, e até 1934 exerceu o seu ministerio en varias parroquias maronitas dos Estados Unidos de América.[3]
Episcopado e elección patriarcalEditar
En 1934 foi elixido bispo de Tiro.[3] En 1955 foi nomeado patriarca de Antioquía e todo o Levante por decreto do papa Pío XII, sendo a primeira vez en que o patriarca maronita era directamente elixido por un papa.[3]
PatriarcadoEditar
Como patriarca, participou nos traballos do Concilio Vaticano Segundo entre 1963 e 1965, onde tivo un papel significativo na defensa da xurisdición patriarcal sobre os fieis na diáspora, fóra do territorio patriarcal. Antes da conclusión do concilio, o 22 de febreiro de 1965 foi creado cardeal polo papa Paulo VI.[3]
Polo seu cargo foi nomeado membro da Pontificia Comisión para a Revisión do Código de Dereito Canónico Oriental (Pontificia Commissio Codici Iuris Canonici Orientalis Recognoscendo).[4]
NotasEditar
- ↑ Tamén escrito adaptado ao francés: Pierre-Paul Méouchi, Paul Pierre Méouchi.
- ↑ The Catholic Directory, Ecclesiastical Register and Almanac (en inglés). Burns and Oates. 1968. p. 23.
- ↑ 3,0 3,1 3,2 3,3 Heravi, Mehdi, ed. (1973). Concise encyclopedia of the Middle East. Public Affairs Press. p. 201.
- ↑ Pontificia Commissio Codici Iuris Canonici Orientalis Recognoscendo, ed. (1975). "Istituzione e composizione della Commissione" (PDF). Nuntia (Libreria Editrice Vaticana) (1): 12. OCLC 9237479.
Véxase taménEditar
BibliografíaEditar
- Code, Joseph Bernard (1964). Dictionary of the American Hierarchy (1789-1964). Nova York: Joseph F. Wagner. pp. 200–201.
- Irani, George Emile (2006). Domenico, Roy P.; Hanley, Mark Y., ed. Encyclopedia of Modern Christian Politics. Greenwood Publishing Group. pp. 370–371.
| Dignidades da Igrexa católica | ||
|---|---|---|
| Predecesor: Xukrala al-Khuri |
Bispo de Tiro 1934 - 1955 |
Sucesor: Michel Doumith |
| Predecesor: Antón I Pedro Arida |
Patriarca de Antioquía e todo o Levante 1955 - 1075 |
Sucesor: Antón II Pedro Khuraix |