Parque natural de Jandía
| Jandía | |||
|---|---|---|---|
| |||
| Marco Legal | |||
| Figura de Protección: | Parque natural | ||
| Ano de constitución: | 19 de xuño de 1987 | ||
| Superficie: | 14.310 hectáreas | ||
| Lexislación: | Lei 12/1994, do 19 de decembro | ||
| Datos de interese | |||
| País: |  España
| ||
| Provincias: |  As Palmas
| ||
| Concellos: | Pájara | ||
| Ríos: | |||
| Picos | Jandía (807 metros) | ||
| Direccións de interese: | Cabido Insular de Fuerteventura | ||
| Teléfonos: | 928 86 23 63 | ||
O parque natural de Jandía atópase na illa de Fuerteventura, Illas Canarias.
Valores naturais editar
É o único deserto propiamente dito dentro do estado español. Presenza de sistemas montañosos de orixe volcánica que forman cristas e barrancos de gran valor paisaxístico. Salientar as praias, as meirandes das Illas Canarias, coma a do Cofete, Barlovento ou de Sotavento. Tamén existen zonas de dunas e fondos mariños de gran calidade. Por último nomear a existencia da zona El Saladar, zona litoral inundable de gran valor ecolóxico e avifaunístico. Está formada por un terreo de 123 hectáreas, declarada zona ZEPA.
Flora editar
O hábitat predominante neste parque é o Cardomal-Tabaidal. Podéndose atopar varios endemismos coma o Cardón de Jandía (Euphorbia Handiensis, símbolo do parque), o Taginarte de Jandía (Echium Handiensis), a Margarida de Jandía (Argyranthemum winteri) ou o Odontospermum sericeum. Tamén existen masas forestais autóctonas, especialmente na cara norte das montañas
Fauna editar
As aves son o grupo faunístico de maior interese. Salientar a presenza da Húbara, especie endémica das Canarias e en risco de extinción. Outras especies son o falcón tagarote, a corredeira, a chasca canaria, picanzo real meridional ou o voitre branco (coñecido localmente co nome de guirre). Tamén existen colonias de aves mariñas, tales coma a aguia peixeira, a pardela cincenta ou a pardela de Bulwer. Entre os mamíferos, presenza ocasional da foca monxe mediterránea ou de cabras e camelos salvaxes.
Valores patrimoniais editar
Presenza dos tradicionais fornos de cal majoreros, caseríos, o faro de Jandía e outros elementos da arquitectura tradicional da illa. Existen restos de oratorios prehispánicos e diferentes restos de pinturas rupestres.