Parque Natural Posets-Maladeta
| Posets-Maladeta | |||
|---|---|---|---|
| |||
| Marco Legal | |||
| Figura de Protección: | Parque natural | ||
| Ano de constitución: | 1994 | ||
| Superficie: | 33.440,60 ha de Parque Natural e 5.290,20 ha de zona periférica de protección. | ||
| Lexislación: | |||
| Datos de interese | |||
| País: |  España
| ||
| Provincias: | .svg){kind=small} Huesca
| ||
| Concellos: | Benasque, Gistaín, Montanuy, Sahún, San Juan de Plan | ||
| Ríos: | Estós, Barrancs, Eriste, Esera, Literola, Salenques | ||
| Picos | Culfreda (3034m), Bachimala (3177m), Perdiguero (3221m), Posets (3369m), Maladeta (3308m), Aneto (3404m) ,Vallibierna (3062m) | ||
| Direccións de interese: | Oficina de Turismo en Benasque | ||
| Teléfonos: | 974 55 20 66 | ||
O Parque natural de Posets-Maladeta atópase na comunidade de Aragón. Concretamente nas comarcas de Ribagorza e Sobrarbe, na parte máis oriental do Pireneo Aragonés. Trátase dun parque natural de alta montaña, e como tal máis da metade dos seus picos superan os 3000 metros. Nomear especialmente o Aneto, o segundo pico máis alto da Península Ibérica por detrás do Mulhacén, e os dous picos que dan nome ó parque: o Maladeta con 3.308 metros e o Posets con 3.375.
Salientar a presenza de glaciares, formadores e modificadores da paisaxe montañesa; estando moitos deles protexidos pola figura legal de Monumento natural. Moitos destes glaciares están ocupados por ibones ou lagos de orixe glaciar que poden estar conxelados ata seis meses ó ano. Os máis coñecidos son o de: Sein, Millares, Barbarisa, Ballibierna o Batisielles. Porén o glaciar do sistema Aneto-Maladeta con 100 ha é o máis extenso, non só do Parque senón de todos os Pireneos.
A riqueza botánica e ampla, dende árbores de alta montaña coma os abetos e piñeiros negros, ata as flores alpinas de gran beleza coma a azucena pirenaica, a azucena silvestre ou o dente de can (Erythronium dens-canis).
Ademais de Parque natural a zona foi declarada coma ZEPA por contar con especies tan importantes coma o Quebraosos,a aguia real, o voitre leonado, a pita do monte, a Lagopus muta, o gabeador vermello ou o moucho de Tengmalm.
Entre os mamíferos cóntanse a lontra , o rebezo, o corzo e o cervo.