Panulirus cygnus
| Panulirus cygnus Lagosta australiana | |||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|
.jpg) Espécime xuvenil de Panulirus cygnus | |||||||||||||||||||||
| Estado de conservación | |||||||||||||||||||||
 Pouco preocupante[1] | |||||||||||||||||||||
| Clasificación científica | |||||||||||||||||||||
| |||||||||||||||||||||
| Nome binomial | |||||||||||||||||||||
| Panulirus cygnus (George, 1962) | |||||||||||||||||||||
| Sinonimia | |||||||||||||||||||||
| |||||||||||||||||||||
Panulirus cygnus é unha especie de crustáceo malacostráceo da orde dos decápodos, suborde dos pleociemados, infraorde dos aquelados e familia dos palinúridos, unha das integrantes do xénero Panulirus,[2][3] coñecida na bibliografía internacional como lagosta australiana (aínda que nas costas do sur de Australia vive outra especie de lagosta).
Taxonomía
editarDescrición
editarA especie foi descrita en 1962 polo zoólogo australiano, especializado en carcinoloxía, Ray W. George,[2] no seu traballo "Description of Panulirus cygnus sp. nov., the commercial crayfish (or spiny lobster) of Western Australia". Journal Royal Society Western Australia, 45-4 p.: 100–110. (Ver o artigo completo).
Sinónimo
editarAdemais de polo nome actualmente válido, a especie foi coñecida polo sinónimo:[2]
- Panulirus longipes cygnus George, 1962 (protónimo)
Distribución e hábitat
editarDistribución
editarA especie unicamente encóntrase na parte oriental da rexión Indo-Pacífica, estando restrinxida a súa presenza principalmente á toda a costa oeste de Australia, entre o cabo Noroeste e a baía de Hamelin, ao sur (aínda que tamén pode atoparse nalgunhas illas de mar aberto).[1][4]
Hábitat
editarAs larvas de Panulirus cygnus viven nadando libremente no océano durante o primeiro ano da súa vida. Cando eclosionan dos ovos poden encontrarse atá os 1 500 km da costa. A medida que crecen, regresan á costa para vivir durante aproximadamente cinco anos nos arrecifes coralinos en augas duns 40 m de profundidade, ou menos. Despois deste período, migran cara a arrecifes máis profundos e afastados da costa. Durante esta nova etapa da súa vida, esta langosta encóntrase en profundidades de entre os 0 e os 90 m, e rara vez até os 120 m. Cando adultos, son de hábitos nocturnos, polo que durante o día refúxianse en fendas dos corais e das rochas, para ocultárense dos seus depredadores.[4]
Características
editarAs características físicas básicas desta langosta son: corpo cilíndrico, un par de ollos compostos, pedunculados e móbles, dous pares de antenas (as do primeiro par, pequenas, unirrámeas —anténulas—, e as do segundo birrámeas, unha de pequeno tamaño, e as do outro moi longas, máis que o tamaño do corpo), seis pares de apéndices pequenos ao redor da boca (maxilípedos) e cinco pares de patas torácicas (pereiópodos) para camiñaren.[5]
Panulirus cygnus ten unha masa duns 5 kg, e a máis grande citada alcanzou os 5,5 kg. A lonxitude media da súa casca é de 8 a 10 cm, pero o seu corpo acada de 9 a 11 cm de lonxitude nas femias ovíxeras (as que levan óvulos) e nos machos con espermatóforos.[4]
Importancia comercial
editarA especie vive nas costas do oeste de Australia e é o produto pesqueiro máis importante do país, xa que representa o 20 % do valor da pesca industrial australiana, acadando un importe de 248 millóns de dólares australianos no períoso 2003-2004. A súa produción anual oscila entre as 8 000 e as 15 000 toneladas segundo os anos.[6]
Estado de conservación
editarA Unión Internacional para a Conservación da Natureza e dos Recursos Naturais (UINC), temd en conta que Panulirus cygnus se colleita en toda a súa área de distribución, ao longo da costa de Australia Occidental, e que os datos de captura por unidade de esforzo indican estabilidade no seu stock, xa que a pescaría está ben xestionada e introducíronse restricións apropiadas candose rexistrou unha diminución continua das súas capturas,e que hai importantes investigacións que garante que a súa pesqaría siga a ser sustentábel, cualifica o statua da especie co o LC (pouco preocupante).[1]
Notas
editar- ↑ 1,0 1,1 1,2 Butler, M.; Cockcroft, A.; MacDiarmid, A. & Wahle, R. (2011): Australian Spiny Lobster. Panulirus cygnus na Lista vermella da UICN. Versión 2019-3. Consultada o 17 de febreiro de 2020.
- ↑ 2,0 2,1 2,2 Panulirus cygnus George, 1962 no WoRMS. Consultado o 17 de febreiro de 2020.
- ↑ Panulirus cygnus George, 1962 ni ITIS.
- ↑ 4,0 4,1 4,2 Holthuis, L. B. (1991): "Marine lobsters of the world. An annotated and illustrated catalogue of species of interest to fisheries known to date". FAO species catalogue 13: 125. Roma: FAO.
- ↑ Poore, G. C. B.; Ahyong, S. T. & Taylor, J., eds. (2011): The Biology of Squat Lobsters. Melbourne: CSIRO Publishing and Boca Raton, Florida, USA: CRC Press. ISBN 978-1-4398-6614-6.
- ↑ Caputi, N.; Melville-Smith, R.; de Lestang, S.; How, J.; Thomson, A.; Stephenson, P.; Wright, I. & Donohue, K. (2008): "Stock Assessment for the West Coast Rock Lobster Fishery". Government of Western Australia. Department of Fisheries.
Véxase tamén
editar| Wikimedia Commons ten máis contidos multimedia na categoría: Panulirus cygnus |
| Wikispecies posúe unha páxina sobre: Panulirus cygnus |
Bibliografía
editar- Chan, T. Y. (2010): "Annotated Checklist of the World's Marine Lobsters (Crustacea: Decapoda: Astacidea, Glypheidea, Achelata, Polychelida)". The Raffles Bulletin of Zoology. Supplement Nº 23: 153–181.
- George, R. W. & L. B. Holthuis (1965): "A revision of the Indo-West Pacific spiny lobsters of the Panulirus japonicus group". Zoölogische Verhandelingen, Leiden, 72: 1–36.
- Martin, J. W. & Davis, G. E. (2001): An updated classification of the recent Crustacea. Science Series, 39. Natural History Museum of Los Angeles County. Los Angeles, CA, USA.
- Melville-Smith, R.; Thomson, A. W.; Caputi, N. (2004): "Improved forecasts of recreational western rock lobster (Panulirus cygnus) catches in Western Australia, by predicting licence usage". Fisheries Research 68 (1-3): 203-208.