Palacio de María Pita
O palacio de María Pita, ou tamén pazo de María Pita,[1] é un edificio de estilo ecléctico que ocupa a fronte norte da praza de María Pita, na cidade da Coruña. Proxectouno o arquitecto Pedro Mariño e construíuse entre os anos 1904 e 1912. Atópanse nel diversas dependencias administrativas do Concello, o Salón de plenos, os despachos do Alcalde e dos concelleiros e o Museo do Reloxo. Tamén é chamado Palacio Municipal.
| Palacio de María Pita | ||||
|---|---|---|---|---|
 Fachada do palacio municipal. | ||||
| Tipo | palacio e casa do concello  | |||
| Estilo | arquitectura ecléctica | |||
| Uso(s) | Sede do concello | |||
| Localización | ||||
| ||||
| Estado | España | |||
| Comunidade autónoma | Galicia | |||
| Provincia | provincia da Coruña | |||
| Concello | A Coruña | |||
| Rúa | praza de María Pita | |||
| Código postal | 15001 | |||
| Enderezo | Praza de María Pita, 1, 15001, A Coruña | |||
| Datas | ||||
| Inicio construción | 1904 | |||
| Remate construción | 1912 | |||
| Fundación | 1912 | |||
| Persoas e organizacións | ||||
| Propietario | Concello da Coruña | |||
| Arquitecto | Pedro Mariño | |||
| Ocupante | Concello da Coruña | |||
| [ Wikidata ] | ||||
Sobre a súa arcada ten escrito en castelán:
Casas consistoriales de la muy noble y muy leal ciudad de La Coruña, cabeza, guarda y llave, fuerza y antemural del Reino de Galicia.[2]
Descrición
editarO palacio é un edificio de estilo ecléctico, inspirado no neoclasicismo e na ampliación do palacio do Louvre de Napoleón III.[3] Os soportais dan acceso a un amplo vestíbulo con dúas escaleiras. As torres están recubertas de cinc e baixo a torre do reloxo atópase o escudo da cidade e catro cariátides que representan as provincias galegas.[4]
Historia
editarDende o século XVI a sede do concello da Coruña estaba situada nunha casa da praza da Fariña, mais en febreiro de 1837 trasladouse ao número 23 da rúa da Franxa, abandonando a Cidade Vella. Non obstante o 9 de marzo dese mesmo ano, unha real orde propiciou o traslado ao que fora convento de Santo Agostiño, acaroado á igrexa de San Xurxo, do que tomaron posesión o 13 de decembro de 1838.[3]
Tralo decreto que permitía o derrubamento das murallas, o arquitecto Faustino Domínguez Domínguez deseñou unha praza na que destacaba o edificio que serviría de sede ao consistorio. Finalmente as obras do palacio non se iniciaron ata o comezo do século XX, xa segundo o proxecto de Pedro Mariño.[3]
Galería de imaxes
editar- Artigo principal: Galería de imaxes da casa do concello da Coruña.
Notas
editar- ↑ "María Pita acolleu a primeira reunión Ferreiro-Caballero". Arquivado dende o orixinal o 29 de novembro de 2018. Consultado o 29 de novembro de 2018.
- ↑ En galego, "Casas consistoriais da moi nobre e moi leal cidade da Coruña, cabeza, garda e chave, forza e antemural do Reino de Galicia".
- ↑ 3,0 3,1 3,2 Fernández Fernández, Xosé. El ayuntamiento y la plaza de María Pita de La Coruña. Recortables de La Coruña.
- ↑ Ficha en Turgalicia.
Véxase tamén
editarWikimedia Commons ten máis contidos multimedia na categoría: Palacio de María Pita  |
| A Galipedia ten un portal sobre: A Coruña |
Bibliografía
editar- Fernández Fernández, Xosé. Historia del Ayuntamiento de La Coruña. Biblioteca Coruñesa (en castelán). Vía Láctea Editorial. ISBN 84-89444-36-6.