Odón IV de Borgoña

Odón IV de Borgoña-ducado e Odón I de Borgoña-condado, nado en 1295 e finado en Sens en 1350, foi duque de Borgoña (1315 - 1349) por dereito propio e conde de Borgoña e Artois (1330 - 1347) por dereito da súa muller.

Odón IV de Borgoña
Nacemento	1295
Falecemento	3 de abril de 1350
Lugar de falecemento	Sens
Causa	peste
Soterrado	Abadia de Cister
Ocupación	aristócrata
Pai	Roberto II de Borgoña
Nai	Inés de Francia, duquesa de Borgoña
Cónxuxe	Xoana III de Borgoña
Fillos	Filipe de Borgoña
Irmáns	Margarida de Borgoña, Xoana de Borgoña, Branca de Borgoña e de Francia, Luís de Borgoña, Hugo V de Borgoña e Marie de Borgoña
Na rede
[ editar datos en Wikidata ]

Escudo de Odón IV de Borgoña, usando as armas do seu tío Odón de Nevers.

Traxectoria

Orixes familiares

Fillo do duque Roberto II de Borgoña e Inés de Francia, por liña paterna era neto de Hugo IV de Borgoña e Iolanda de Dreux, e por liña materna de Luís IX de Francia e Margarida de Provenza. Era irmán do duque Hugo V de Borgoña, ao que sucedeu.

Matrimonios e descendencia

Casou o 18 de xuño de 1318 en Nogent-sur-Seine coa condesa Xoana III de Borgoña, filla do rei Filipe V de Francia e da súa muller Xoana II de Borgoña. Desta unión naceron:

• un fillo morto (1322).
• o infante Filipe de Borgoña (1323 - 1346), pai do duque Filipe I de Borgoña.
• o infante Xoán de Borgoña (1325 - 1328).
• un fillo morto (1327).
• un fillo morto (1330).
• un fillo morto (1335).

Ducado de Borgoña

A morte do seu irmán máis vello en 1315 fíxoo herdeiro do Ducado de Borgoña.

Á morte do rei Luís X de Francia e do seu sucesor, Xoán I de Francia, apoiou as reivindicacións da filla do rei, Xoana de Francia, e sobriña do propio Odón IV, ao trono francés. Despois retirou o apoio á súa sobriña para poder casar coa filla do rei francés.

En xullo de 1346 puxo a Jean de Vienne e Enguerrand de Beaulo ao mando de Calais, ata que o 14 de agosto chegou Jean de Fosseux para asumir o mando da cidadela, que finalmente caeu en mans inglesas o 3 de agosto de 1347.

Morte

Odón IV de Borgoña faleceu en Sens o 3 de abril de 1350 e foi enterrado en Cîteaux. Debido á prematura morte do seu fillo, Filipe de Borgoña, sucedeuno o seu neto Filipe I de Borgoña.