Noel Gallagher
Noel Thomas David Gallagher, nado o 29 de maio de 1967 en Manchester, é un músico, cantante, guitarrista e compositor inglés. Foi o principal guitarrista e compositor, ademais de co-vocalista da banda de rock Oasis. Gallagher comzou a tocar a guitarra as trece anos, e despois de distintos traballos na construción traballou para a banda de Manchester Inspiral Carpets como roadie e técnico en 1988. Mentres estaba de xira con eles tivo coñecemento de que o seu irmán, Liam Gallagher, formara a súa propia banda, coñecida como The Rain, e que finalmente se convertería en Oasis. Despois de que Gallagher regresase a Inglaterra foi convidado polo seu irmán a unirse ao grupo como compositor e guitarrista.
_(52181386307)_(cropped).jpg) (2022)  | |
| Nome orixinal | (en) Noel Gallagher (en) Noel Thomas Gallagher |
|---|---|
| Biografía | |
| Nacemento | (en) Noel Thomas David Gallagher 29 de maio de 1967 (56 anos)Longsight, Reino Unido (en)  |
| Datos persoais | |
| País de nacionalidade | Reino Unido |
| Relixión | Ateísmo |
| Lateralidade | manicho |
| Actividade | |
| Ocupación | guitarrista , cantautor , músico , cantante |
| Período de actividade | 1988 - |
| Membro de | |
| Xénero artístico | Música rock, Rock alternativo e música pop |
| Lingua | Lingua inglesa |
| Instrumento | Guitarra e voz |
| Selo discográfico | Creation Records |
| Familia | |
| Cónxuxe | Meg Mathews (1997–2001) |
| Irmáns | Liam Gallagher (pt) |
| Páxina web | noelgallagher.com |
              | |
O álbum de estrea de Oasis, Definitely Maybe (1994), marcou o comezo do ascenso da banda cara a fama como parte do movemento britpop. O seu seguindo traball, (What's the Story) Morning Glory? (1995), acadou a cima das listas de álbums en moitos países, e o seu terceiro disco, Be Here Now (1997), foi o disco coas vendas máis rápidas da historia do Reino Unido. O britpop finlmente perdeu popularidade e os dous seguintes álbums de Oasis non conseguiron revivilo. Porén, os dous últimos traballos do grupo, Don't Believe the Truth (2005) e Dig Out Your Soul (2008), conseguiron un éxito renovado. O 28 de agosto de 2009, tras un altercado con Liam antes dun concerto en París, Noel Gallagher anunciou que deixaba Oasis e o 23 de outubro dese ano confirmaba que comezaría unha carreira en solitario.[1] Gallagher pasaría a formar Noel Gallagher's High Flying Birds.
A carreira de Gallagher con Oasis foi turbulenta, especialmente durante o pico do britpop, ao estar envolto en varias disputas con Liam, e a loita dos irmáns e as súas salvaxes vidas foron regularmente portada nos tabloides británicos. Gallagher (xunto con Oasis) tamén compartíu unha rivalidade persoal coa banda Blur. Porén, a miúdo foi considerado como a punta de lanza do movemento britpop, e a revista NME chegou a designar a un feixe de bandas deste estilo (como Kula Shaker, Ocean Colour Scene e Cast) como "Noelrock", citando a influencia de Gallagher no seu éxito.[2] Moitos eloxiaron as composicións de Gallagher, dicindo George Martin que se trataba do "mellor compositor da súa xeración".
Notas editar
- ↑ NME (ed.). "Noel Gallagher confirms solo career plan". Consultado o 18 de marzo de 2016.
- ↑ Kessler, Ted (8 de xuño de 1996). "Noelrock!". NME.