Nadadores
- Para o topónimo Nadadores, véxase Nadadores, México.
Os nadadores (Natantia) é un taxon obsoleto de crustáceos decápodos, que comprendía aquelas familias que integran as especies que se moven principalmente mediante a natación, como os camaróns (os carideos ou Caridea e os procaridideos ou Procarididea), os lagostiños e as gambas (dendrobranquiados ou Dendrobranchiata) e os chamados en inglés boxer shrimp, "camaróns bóxer", os estenopodideos ou Stenopodidea.[1]
Todos os demais decápodos —nécoras, centolas, lumbrigantes e outros moitos animais caracterizados por camiñar polo fondo— agrupábanse no outro grupo ou orde, o dos reptadores (Reptantia).[1]
Porén, esta clasificación segue encontrándose nos libros antigos, e mesmo en cursos de bioloxía mariña dalgunhas universidades [2] ou en páxinas web serias.[3]
Clasificación tradicional dos decápodos
editarOrde decápodos (Decapoda):[3]
- Reptadores (Reptantia)
- Anomuros (Anomura)
- Braquiúros (Brachyura)
- Macruros (Macrura)
- Nadadores (Natantia)
O cambio na clasificación
editarA división entre Natantia e Reptantia foi cambiada en 1963, cando Martin Burkenroad fundou a suborde Pleocyemata (pleociemados) para aqueles animais que transportaban os ovos nos pleópodos, deixando a outra suborde, a dos Dendrobranchiata dendrobranquiados, para gambas, camaróns e afíns.[1]
Baixo este sistema, Natantia é un grupo parafilético. A división primaria de Burkenroad dos decápodos en Dendrobranchiata e Pleocyemata foi, desde entón, corroborada por análises moleculares filoxenéticas.[4]
Representacións de tres dos grupos antigamente situados nos "nadadores"
editar-
Penaeus monodon (dendrobranquiado) -
Heterocarpus ensifer (carideo) -
Stenopus hispidus (estenopodideo)
Clasificación actual
editarA clasificación actual, até o nivel de infraordes, segundo De Grave et al., é:[5]
Orde Decapoda Latreille, 1802
- Suborde Dendrobranchiata Bate, 1888
- Suborde Pleocyemata Burkenroad, 1963
- Infraorde Stenopodidea Bate, 1888
- Infraorde Caridea Dana, 1852
- Infraorde Astacidea Latreille, 1802
- Infraorde Axiidea de Saint Laurent, 1979b
- Infraorde Gebiidea de Saint Laurent, 1979
- Infraorde Achelata Scholtz & Richter, 1995
- Infraorde Polychelida Scholtz & Richter, 1995
- Infraorde Anomura MacLeay, 1838
- Infraorde Brachyura Linnaeus, 1758
Notas
editar- ↑ 1,0 1,1 1,2 Raymond T. Bauer (2004). Remarkable Shrimps: Adaptations and Natural History of the Carideans. Animal natural history series 7. University of Oklahoma Press. p. 206. ISBN 978-0-8061-3555-7.
- ↑ Reptantia: Crawling Crustaceans en British Marine Life. (en inglés) Consultada o 8/01/2012.
- ↑ 3,0 3,1 Decápodos. Calsificacíón Arquivado 26 de setembro de 2012 en Wayback Machine. en asturnatura.com (en castelán) Consultada o 8/01/2013.
- ↑ Alicia Toon, Maegan Finley, Jeffrey Staples & Keith A. Crandall (2009). "Decapod phylogenetics and molecular evolution". En Joel W. Martin. Decapod Crustacean Phylogenetics (PDF). CRC Press. pp. 9–24. ISBN 978-1-4200-9258-5. Arquivado dende o orixinal (PDF) o 30 de xaneiro de 2012. Consultado o 08 de xaneiro de 2013.
- ↑ Sammy De Grave, N. Dean Pentcheff, Shane T. Ahyong; et al. (2009). "A classification of living and fossil genera of decapod crustaceans" (PDF). Raffles Bulletin of Zoology. Suppl. 21: 1–109. Arquivado dende o orixinal (PDF) o 06 de xuño de 2011. Consultado o 08 de xaneiro de 2013.
Véxase tamén
editarBibliografía
editar- S. De Grave & C. H. J. M. Fransen (2011). "Carideorum Catalogus: the Recent species of the dendrobranchiate, stenopodidean, procarididean and caridean shrimps (Crustacea: Decapoda)" (PDF). Zoologische Mededelingen 85 (9): 195–589, figs. 1–59. ISBN 978-90-6519-200-4.