Mstislav Rostropovich

Mstislav Leopoldovich Rostropovich (en ruso: Мстисла́в Леопо́льдович Ростропо́вич, Mstislav Leopol'dovič Rostropovič, pronunciado [rəstrɐˈpɔvʲɪtɕ]), nado o 27 de marzo de 1927 en Bakú (Acerbaixán) e finado o 27 de abril de 2007 en Moscova, coñecido tamén como "Slava", foi un violonchelista e director ruso. É considerado coma un dos mellores violonchelistas do século XX e mesmo por algúns coma o mellor violonchelista de tódolos tempos^{[Cómpre referencia]}. Foi dedicatario de moitas obras de compositores do seu tempo, estreando arredor de 100 obras, e sendo o principal artífice da multiplicación do número de obras para violonchelo no século XX.

Mstislav Leopoldovich Rostropovich Мстисла́в Леопо́льдович Ростропо́вич
Mstislav Rostropovich en 1991.
Nome completo	Mstislav Leopoldovich Rostropovich
Alias	Slava
Data nacemento	27 de marzo de 1927
Nado en	Bakú, RSS Acerbaixán
Falecemento	27 de abril de 2007 Moscova, Rusia
	Moscova
Causa	Cancro colorrectal
Soterrado	cemiterio Novodevichii
Cónxuxe	Galina Vishnevskaya
Fillos	Elena Rostropovich
Ocupación	Violonchelista e director
Instrumento(s)	Violoncello
Na rede
[ editar datos en Wikidata ]

Traxectoria

Naceu nunha familia de músicos. Estudou no Conservatorio de Moscova, dende os dezaseis anos. Chegou a ser alumno de Dmitrii Shostakovich e de Serguéi Prokofiev, antes de graduarse coas máximas distincións académicas. Posteriormente traballaría como mestre no mesmo Conservatorio, dende 1961. En 1948 xa fora solista da Orquestra Filharmónica de Moscova. A partir de 1950 actuara coma violonchelista e director. Tamén deu recitais de piano acompañando á súa muller, a cantante Galina Vishnévskaya. Tras un tempo en Moscova, foi nomeado profesor no Conservatorio de Leningrado.

Premios

• Premio Príncipe de Asturias da Concordia con Yehudi Menuhin en 1997.

Véxase tamén

Ligazóns externas

• Casa museo de Leopold e Mstislav Rostropovich