Mosteiro Mater Ecclesiae
O mosteiro Mater Ecclesiae (en latín, Nai da Igrexa) é un convento de monxas da Cidade do Vaticano no que viviu o papa emérito Bieito XVI entre 2013 e 2022.
.jpg)
Edificio editar
Localízase nos Xardíns do Vaticano nas proximidades do sede da Radio Vaticana e da fonte do Aquilone. O mosteiro ten forma de paralelepípedo e conta con dúas ás: na leste, de tres andares e soto, están os espazos comúns e as doce celas para as residentes, e a oeste, de dous pisos, onde está a capela. Ademais, ao seu carón, hai unha leira que se cultiva seguindo criterios da agricultura ecolóxica.[1]
A parte máis antiga do recinto, a construída a principios do século XX, é a á leste, chamada Casetta Giardini, ideada para o Corpo de Xendarmaría, foi logo morada dos directores da Radio Vaticana e despois sede de diferentes dependencias administrativas. Este edificio acondicionouse entre 1992 e 1994 para albergar á comunidade monástica e sendo, nese momento, ampliado coa construción da ala da capela.[2]
Historia editar
O mosteiro foi fundado por iniciativa de Xoán Paulo II para contar dentro do Vaticano cun grupo de monxas que orase pola Igrexa e o papa. Segundo os estatutos do mosteiro, a orde relixiosa que o ocupe debe trocar cada cinco anos, lapso logo reducido a tres.[2] Deste xeito alternáronse as seguintes:
1994-1999: Orde de Santa Clara (clarisas)
1999-2004: Orde das Carmelitas Descalzas
2004-2009: Orde de San Bieito (bieitas)
2009-2012: Orde da Visitación (salesas)
En 2012 a comunidade de salesas deixou o edificio e acometéronse obras de restauración. Cando en 2013, o papa Bieito XVI anunciou a súa abdicación, o mosteiro foi preparado para acoller a súa morada.[3] Dende entón, reside aló canda o seu secretario privado Georg Ganswein e catro leigas consagradas da comunidade Memores Domini (ligadas ao movemento Comuñón e Liberación) que axudan cos labores domésticos.[4] Ademais, o seu irmán, Georg Ratzinger, tiña un cuarto para cando o visitaba.[5]
Durante o seu retiro, Bieito XVI mantivo unha rutina diaria que consistía na misa conventual durante a mañá e o estudo na biblioteca.[6] Ademais, tamén recibiu visitas do papa Francisco e concedeu algunhas audiencias públicas.[7][8] Bieito XVI faleceu no mosteiro Mater Ecclesiae ás 9.34 horas do 31 de decembro de 2022.[9]
Notas editar
- ↑ Giacometti, Veronica. "Raccontando la Città del Vaticano. Il Monastero Mater Ecclesiae, la casa di Benedetto XVI". www.acistampa.com. Consultado o 2022-12-30.
- ↑ 2,0 2,1 "Un monasterio en el Vaticano". Alfa y Omega (en castelán). 2013-04-30. Consultado o 2022-12-30.
- ↑ "2 maggio 2013 Benedetto XVI si stabilisce nel Monastero Mater Ecclesiae". www.ilmessaggero.it (en italiano). 2018-05-01. Consultado o 2022-12-30.
- ↑ Rusconi, Giuseppe (2013-05-03). "Benedetto XVI al Mater Ecclesiae. Due Papi in Vaticano". ZENIT (en italiano). Consultado o 2022-12-30.
- ↑ El Papa Francisco recibe a Benedicto XVI en su regreso al Vaticano Arquivado 04 de marzo de 2016 en Wayback Machine. Informador.
- ↑ "En visite chez Benoît XVI au monastère 'Mater Ecclesiae'". cath.ch.
- ↑ "El Papa y los nuevos cardenales visitan a Benedicto XVI - Vatican News". www.vaticannews.va (en castelán). 2022-08-27. Consultado o 2022-12-31.
- ↑ "Una birra per Benedetto XVI. Ecco come lui stesso parlava del suo compleanno, «amicizia» con Cristo". Tempi (en italiano). 2015-04-16. Consultado o 2022-12-31.
- ↑ "Morre Bento XVI, "humilde trabalhador na vinha do Senhor" - Vatican News". www.vaticannews.va (en portugués). 2022-12-31. Consultado o 2022-12-31.
Véxase tamén editar
Wikimedia Commons ten máis contidos multimedia na categoría: Mosteiro Mater Ecclesiae  |