Universidade de Mondragón

Para outras páxinas con títulos homónimos véxase: Mondragón.

A Universidade de Mondragón (en éuscaro: Mondragon Unibertsitatea) é unha universidade privada de iniciativa social sen ánimo de lucro, pertencente á corporación Mondragón, que foi declarada de utilidade pública. A súa sede principal está en Mondragón (Guipúscoa).

Universidade de Mondragón
Tipo	universidade
Data de fundación	1997
Nomeado en referencia a	País Vasco
País	España
43°03′42″N 2°29′49″O
Na rede
https://www.mondragon.edu
[ editar datos en Wikidata ]

Caracterízase por pretender un ensino de calidade e de orientación práctica dos estudos sobre todo en canto ao mercado laboral, dando especial importancia á formación profesional dos estudantes. Así pois a súa pertenza á corporación Mondragón permítelle manterse próxima ao mundo da empresa facilitando aos seus alumnos o contacto co mercado laboral. Actualmente ten ao redor de 4.000 alumnos cursando 22 titulacións de grao, 15 masters e 8 cursos de experto universitario.

Centros docentes

Na actualidade conta con catro facultades e escolas:

• Escola Politécnica Superior, en Mondragón e Ordizia.
• Facultade de Empresariais, en Oñati e Irún.
• Facultade de Humanidades e Ciencias da Educación, en Eskoriatza.
• Facultade de Ciencias Gastronómicas, en Donostia.

Véxase tamén

Ligazóns externas

• Web da Universidade de Mondragón Arquivado 07 de febreiro de 2012 en Wayback Machine. (en castelán)
• Corporación Mondragón Arquivado 13 de agosto de 2021 en Wayback Machine. (en castelán)