Moeda de 10 francos Mathieu

moeda francesa de 10 francos (1974-1987)
10 francos Mathieu [1][2]
France 10 francs 1978-2.JPG France 10 francs 1978.JPG
A/: Mapa de Francia coas iniciais RF entrelazadas no centro. Sinatura do gravador (Mathieu). Data e marcas de ceca no exergo.

Lendas: RÉPUBLIQUE • FRAÇAISE

R/: guindastres, torres e edificios. Valor facial nunha fita central horizontal.

Lendas: 10 FRANCS

Os 10 francos Mathieu son unha moeda francesa de cuproníquel-aluminio con valor facial de dez francos franceses emitida entre 1974 e 1987, con carácter circulante, chamada así por estar deseñada polo artista francés George Mathieu.[1][2]

Moeda circulanteEditar

Mathieu escolleu como motivo do anverso o mapa estilizado, radiante e con estrelas arredor da capital, París, cun monograma composto polas iniciais RF ("République Française") no medio e rodeado por unha inscrición co nome do país. No exergo, a ambas as beiras da data, engádense como marcas de ceca unha cornucopia e un golfiño.[1][2]

No reverso amósase un conxunto de guindastres, torres, cables, estruturas e edificios a modo de representación estilizada da Francia industrial.[1][2]

O canto é liso e coa inscrición LIBERTE EGALITE FRATERNITE, intercalada cunha póla de loureiro, outra de oliveira e unha espiga. Este canto achégalle á moeda unha peculiaridade, xa que nalgunhas moedas se pode ler correctamente co anverso cara a arriba e noutras co reverso cara a arriba.[1][2]

Existe unha variante da moeda, á parte do seu modelo estándar, emitida unicamente no primeiro ano (1974). Trátase dunha tiraxe reducida a 7.300 exemplares, cun acabamento especial (proof ou essai), con fondo espello e relevo mate, na que se inscribiu a palabra ESSAI en letras pequenas no campo do reverso, no cuarto superior esquerdo.[3]

Tiraxes anuaisEditar

Data Exemplares
1974 22.347.500
1975 59.012.500
1976 104.092.500
1977 100.027.103
1978 97.590.000
Data Exemplares
1979 110.000.000
1980 80.000.000
1981 24.000
1982 45.800
Data Exemplares
1983 84.400
1984 39.988.000
1985 29.988.000
1987 49.981.000

Emisións especiais noutros metaisEditar

Ademais da súa emisión ordinaria, destinada á súa posta en circulación, existen outras diversas versións desta moeda con tiraxes moi reducidas, con idéntico deseño e cuñadas en metais diferentes, algunhas delas tamén en verión piéfort, é dicir co dobre de grosor e de peso.[4]

NotasEditar

  1. 1,0 1,1 1,2 1,3 1,4 "10 francs Mathieu". fr.numista.com
  2. 2,0 2,1 2,2 2,3 2,4 "10 Francs". Colnect.com
  3. "10 Francs (Essai)". Colnect.com
  4. "10 francs mathieu". Colnect.com

Véxase taménEditar

BibliografíaEditar

Outros artigosEditar