Miguel Anxo Bastos
Miguel Anxo Bastos Boubeta, nado na Bouciña (Lavadores, Vigo) o 12 de agosto de 1967, é un profesor universitario, economista, politicólogo e conferenciante galego, coñecido pola súa defensa das teses do liberalismo económico e, especificamente, da escola austríaca.[1] É considerado por moitos[quen?] como un dos principais defensores do anarcocapitalismo e do paleolibertarismo no ámbito hispánico.
  | |
| Biografía | |
|---|---|
| Nacemento | (gl) Miguel Anxo Bastos Boubeta 12 de agosto de 1967 (56 anos)Vigo, España |
| Profesor titular | |
| Profesor universitario | |
| | |
| Datos persoais | |
| Residencia | Santiago de Compostela |
| País de nacionalidade | España |
| Relixión | Catolicismo |
| Educación | Universidade de Santiago de Compostela Universidad Nacional de Educación a Distancia |
| Actividade | |
| Campo de traballo | Filosofía, política, economía e política pública |
| Lugar de traballo | Santiago de Compostela |
| Ocupación | economista , profesor universitario , politicólogo , conferencista (pt)  |
| Empregador | Universidade de Santiago de Compostela, profesor universitario Universidade Francisco Marroquín, profesor universitario |
| Movemento | Libertarianismo (pt) , anarcocapitalismo (pt) , Escola Austríaca de Economía, Liberalismo, Anarquismo, galeguismo e paleolibertarianismo (pt) |
| Influencias | |
| Lingua | Lingua castelá, lingua catalá e lingua galega |
     | |
Traxectoria
editarÉ doutor en Ciencias Económicas e Empresariais pola Universidade de Santiago de Compostela, e licenciado en Ciencias Políticas e Sociais pola UNED.[2] Bastos é profesor titular do Departamento de Ciencia Política e da Administración da Universidade de Santiago de Compostela,[3] especializándose na área das políticas públicas e dos movementos sociais contemporáneos.[4] Fixo tamén varias visitas como profesor convidado á Universidade Francisco Marroquín, en Guatemala.
Foi colaborador no programa de V Televisión de política Vía V presentado por Fernanda Tabarés.[5] Tamén colabora no programa A Crónica da Radio Galega.
Pensamento
editarBastos foi militante do Bloque Nacionalista Galego, baseado nas ideas do galeguismo e o secesionismo galego. Durante o período universitario, declárase abertamente socialista,[6] o que o levou a contactar por contraposición con autores da escola austríaca de economía, como Ludwig von Mises, e a ser introducido no debate sobre o problema do cálculo económico por profesores de pensamento marxista.[7][8]
Máis tarde o profesor Bastos tornouse discípulo do economista Jesús Huerta de Soto e, xuntamente con este, son notábeis expoñentes intelectuais do anarcocapitalismo en España.[9] A súa principal influencia na teoría económica foron os economistas austríacos Friedrich von Hayek e Ludwig von Mises. Aliñouse coas posicións políticas libertarias desenvolvidas polos economistas e filósofos políticos Murray N. Rothbard, Hans Hermann Hoppe e Jesús Huerta de Soto.
No ano 2017 participou no grupo promotor que puxo en andamento o xornal galeguista Nós Diario, e nel mantén unha columna semanal de opinión.[10]
As súas conferencias sobre estudos de política comparada entre o pensamento austríaco-libertario e outras correntes de pensamento económico e político, habitualmente proferidas no Instituto Juan de Mariana, en España, e na Universidade Francisco Marroquín, en Guatemala, teñen merecido destaque nos medios de comunicación social.[onde?]
Miguel Anxo Bastos escribe periodicamente no Instituto Juan de Mariana, e é presidente honorario da asociación galega de orientación liberal Xoán de Lugo.
Notas
editar- ↑ "Así es Miguel Anxo Bastos, uno de los profesores más populares de la USC". El Español (en castelán). Consultado o 17/05/2024.
- ↑ "Miguel Anxo Bastos, Premio Instituto Juan de Mariana 2023". Juan de Mariana (en castelán). Consultado o 17/05/2024.
- ↑ "Miguel Anxo Bastos Boubeta". Universidade de Santiago de Compostela. Consultado o 17/05/2024.
- ↑ USC Departamento de Ciencia Política http://www.usc.es/es/centros/politicas/profesor.html?Num_Puesto=1507&Num_Persona=1417&ano=63
- ↑ Programa Vía V (27 de xaneiro de 2016). "Discusión entre Monedero y Bastos". Consultado o 6 de agosto de 2017.
- ↑ "Off Topic: De progre a libertario, Las recetas del Profesor Bastos". inBestia (en castelán). Consultado o 17/05/2024.
- ↑ Instituto Juan de Mariana (13 de setembro de 2017). Café Viena #7 - Miguel Anxo Bastos (YouTube).
- ↑ "José Vilas Nogueira: In Memoriam". Libertad Digital (en castelán). Consultado o 17/05/2024.
- ↑ Bastos Boubeta, Miguel Anxo (27/03/2018). "Algunas cuestiones disputadas sobre el anarcocapitalismo (XX): Las Tecnologías Sociales". Instituto Juan de Mariana (en castelán). Consultado o 17/05/2024.
- ↑ "A opinión de Miguel Anxo Bastos Boubeta". Nós Diario. Consultado o 2022-03-27.