Miña Terra

Miña Terra
	[ editar datos en Wikidata ]

Miña Terra foi un periódico editado en Santiago de Compostela entre 1914 e 1915.

Historia e características

Subtitulado Semanario ilustrado, apareceu o 8 de novembro de 1914. Imprimíase no establecemento de La Comercial. Estaba dirixido por Enrique Guerra até marzo de 1915.^[1] Entre os seus redactores figuraba Victoriano Taibo. O deseño da cabeceira era de Castelao. Cun carácter republicano rexionalista, trataba os problemas da Universidade. Escrita en castelán, publicaba en galego unha "Folla Enxebre" na que apareceron poemas de Eduardo Pondal, Valentín Lamas Carvajal e Bernardo Barreiro e contos de Leandro Carré Alvarellos e Juan Barcia Caballero. O último exemplar que se conserva é o número 16, publicado o 7 de marzo de 1915.

Notas

↑ El Correo de Galicia, 9-3-1915, 2.

Véxase tamén

Bibliografía

Santos Gayoso, Enrique (1990). Historia de la Prensa Gallega 1800-1986. Sada: Ediciós do Castro. p. 491. ISBN 84-7492-489-8.
Cabo, José Luis (21-2-1988). "Prensa santiaguesa: "Miña Terra"". La Voz de Galicia: 33.

[1] El Correo de Galicia, 9-3-1915, 2.

[1]