Mercedes Romero Abella
Mercedes Romero Abella, nada en Cee o 27 de xuño de 1907 e finada en Aranga o 19 de novembro de 1936, foi unha mestra republicana galega.
  | |
| Biografía | |
|---|---|
| Nacemento | 27 de xuño de 1907 Cee, España |
| Morte | 19 de novembro de 1936 (29 anos) Aranga, España |
| Causa da morte | paseo, ferida por arma de fogo |
| Lugar de sepultura | Vilarraso |
| Actividade | |
| Ocupación | mestra |
| Familia | |
| Cónxuxe | Francisco Mazariegos Martínez |
| Pai | Manuel Romero Castro |
 | |
Traxectoria
editarNa súa mocidade viviu en Corcubión, onde o seu pai Manuel Romero Castro traballaba como fotógrafo. Comezou os estudos de Maxisterio na Coruña en 1922 e rematou en 1926. En 1931 casou con Francisco Mazariegos Martínez, empregado de banca e sindicalista da UGT no Banco Pastor. En 1936 era mestra en Monelos, foi presidenta da Federación Española de Trabajadores de la Enseñanza (FETE).[1] Despois do asasinato do seu home, cando tentaba facer xestións para embarcar cara a América foi detida. Violada e torturada, foi fusilada no pozo da Castellana (Aranga) o 19 de novembro de 1936. Foi enterrada nunha fosa común en Vilarraso.[2]
Ela e María Vázquez Suárez son as dúas mestras executadas na represión fascista.[1]
Notas
editar- ↑ 1,0 1,1 "Los 508 maestros de A Coruña castigados por padecer una «tara liberal»". La Voz de Galicia (en castelán). 2021-07-12. Consultado o 2021-07-12.
- ↑ "Mercedes Romero Abella, la maestra gallega asesinada con lápices en el bolsillo". El HuffPost (en castelán). 2019-07-07. Consultado o 2021-07-12.
Véxase tamén
editarBibliografía
editar- Marco, Aurora (2007). Dicionario de Mulleres Galegas. Edicións A Nosa Terra. p. 392. ISBN 978-84-8341-146-9.
Ligazóns externas
editar- Marco, Aurora: As mulleres nas primeiras décadas do século XX Consello da Cultura Galega: Álbum de Mulleres.
- "A represión franquista na comarca" Fervenzas.es
- Mercedes Romero Abella/ na páxina web A Coruña das Mulleres.