Medula ósea
A medula ósea é un tipo de tecido que se atopa no interior dos grandes ósos, sobre todo dos centrais do corpo como cranio, vértebras, costelas, esterno, cintura escapular e pelve.
| Medula ósea | |
|---|---|
medulla ossium  | |
 | |
| Instancia de | tecido, clase de entidade anatómica e produto alimenticio |
| Subclase de | tecido, zona de órgano óseo, blood forming organ (en)  e entidade anatómica particular |
| Desenvolvemento | bone marrow development (en) |
| Contén partes da clase | medula óssea vermelha (pt) e yellow bone marrow (en) |
Composto por
| |
| Fontes e identificadores | |
| MeSH | D001853 |
| Thesaurus do NCI | C12431 |
| Terminologia Anatomica 98 | A13.1.01.001 |
Descrito pola fonte
| |
| [ Wikidata ] [ C:Commons ] | |
Moitas veces confúndese coa medula espiñal. Ambas teñen funcións totalmente distintas. A medula espiñal atópase na columna e transmite os impulsos nerviosos cara a todo o corpo.
Estrutura e funcións biolóxicas
editarPode ser de 2 tipos:
- A medula ósea vermella, que ocupa o tecido esponxoso dos ósos planos, como o esterno, as vértebras, a pelve e as costelas; é a que ten a función hematopoética.
- A medula ósea amarela, que é tecido adiposo e localízase nas canles medulares dos ósos longos.
A medula ósea é o lugar onde se produce o sangue (hematopoese), porque contén as células nai que orixinan os tres tipos de células sanguíneas que son os leucocitos, hemacias e plaquetas.
Enfermidades que involucran a medula ósea
editarA composición da medula ósea pode ser alterada por infeccións como a tuberculose, ocasionando un decaemento na produción de células sanguíneas e plaquetas. Ademais, as distintas variedades de cancro das células precursoras sanguíneas poden aparecer na medula ósea; esta enfermidade é coñecida como leucemia.
Para diagnosticar as enfermidades que involucran a medula ósea, requírese un exame da medula. Este procedemento implica usar unha agulla que permita colleitar unha mostra da medula vermella do óso ilíaco. O procedemento realízase baixo anestesia local.
A exposición á radiación ou a quimioterapia aniquilan moitas das células de rápida división na medula ósea, o cal resultará nun sistema inmunitario diminuído. Moitos dos síntomas da enfermidade por radiación son debidos ao dano que sofren as células da medula ósea.
Doazón de medula
editar
A medula ósea pode transplantarse, xa que pode extraerse dun óso de doante vivo, xeralmente do esterno ou da cadeira, mediante unha punción e aspiración e transfundirse ó sistema circulatorio do receptor se existe compatibilidade do sistema HLA (compatibilidade de órganos entre doante e receptor). As células nai transfundidas aniñarán na medula ósea dos ósos do receptor. É o que se chama transplante de medula ósea.
A medula ósea e a cultura popular
editar- No cine, o tema da medula ósea tratouse en diversas películas, destacando sobre todo, Medidas desesperadas con Andy Garcia e Michael Keaton.
- Na linguaxe coloquial, chámaselle miolo [1], mais esta denominación refírese máis á medula ósea dos animais de abasto, os que son empregados na gastronomía. Noutros casos, dependendo do corte do óso, despois de que o miolo foi retirado, o óso pode ser empregado no escultismo, para o no da pañoleta.
Notas
editar- ↑ E tamén tutano por influencia do castelán tuétano.