Mathieu Kérékou

Mathieu Kérékou, nado en Kouarfa o 2 de setembro de 1933[1] e finado en Cotonou o 14 de outubro de 2015[2], foi un militar e político beninés, que foi Presidente de Benín entre o 26 de outubro de 1972 e o 4 de abril de 1991 e de novo dende o 4 de abril de 1996 até o 2006.

Mathieu Kérékou
Mathieu Kérékou 2006Feb10.JPG
Nacemento2 de setembro de 1933
Lugar de nacementoKouarfa
Falecemento14 de outubro de 2015
Lugar de falecementoCotonou
NacionalidadeBenín
Relixiónevanxelización
Ocupaciónpolítico, militar e estadista
CónxuxeMarguerite Kérékou e Béatrice Lakoussan
PremiosOrder of Merit of Benin
Na rede
Find a Grave: 153713918 Editar o valor em Wikidata
Mathieu Kérékou signature.svg
editar datos en Wikidata ]

TraxectoriaEditar

Estudou en escolas militares de Malí e o Senegal. Serviu no exército de Benín trala súa independencia (1960). Foi axudante de campo (1963) do presidente Hubert Maga, presidente do Consello Revolucionario das Forzas Armadas, cando o seu curmán, Maurice Kouandété levou a cabo un golpe militar en 1968. Comandante da unidade militar de Ouidah e xefe de persoal do exército de Dahomey.

En abril de 1972, tomou o poder por medio dun golpe militar que rematou co triunvirato gobernante no período de Justin Ahomadégbé-Tomêtin. En 1974, adoptou o marxismo-leninismo e o país pasou a chamarse "República Popular de Benín", prohibiu os partidos políticos e declarouse ditador.

En 1980, foi elixido presidente pola Asemblea Nacional Revolucionaria, e retirouse do exército en 1987. Así como o resto da África militarizada, en 1990 iniciou unha transición cara á democracia que Kerekou permitiu. En 1991, neste proceso de apertura democrática, perdeu as eleccións abertas cun 32 %, fronte ó economista Nicéphore Soglo (68 %). Tralo abandono do poder, pediu desculpas por “tódolos lamentables e deplorables incidentes” que se produciron no seu goberno.

Nas eleccións de 1996, volveu presentarse á presidencia, derrotando a Soglo cun 52,5 % na segunda rolda electoral. Reelixido en 2001 en circunstancias controvertidas, acusado de fraude electoral non houbo participación dos outros dous candidatos (Soglo e Adrien Houngbédji) na segunda volta electoral. Estabeleceu unha economía liberal, Benín participou en misións internacionais de paz. Reformou a Constitución en 2005, e convocou eleccións, mais fracasou no seu intento dun terceiro período, sendo vencido por Yayi Boni.

NotasEditar

  1. "Après 29 ans de pouvoir, le Président Kérékou tire sa révérence" (en francés). IRIN. 6 de abril de 2006. Consultado o 15 de outubro de 2015. après plus de 29 ans de pouvoir. Né le 2 septembre 1933 à Kouarfa dans le département de l'Atacora, dans le nord-ouest du Bénin, le Mathieu Kérékou a été pensionnaire des écoles des enfants 
  2. "Bénin : Mathieu Kérékou n’est plus" (en francés). lanouvelletribune. 14 de outubro de 2015. Arquivado dende o orixinal o 15 de outubro de 2015. Consultado o 15 de outubro de 2015. 

Véxase taménEditar